
Bərpa, təmir və tikinti işləri Prezident İlham Əliyevin “Erməni silahlı qüvvələrinin Ağdam və Tərtər rayonlarını intensiv atəşə tutması nəticəsində mülki əhaliyə dəymiş ziyanın aradan qaldırılması ilə bağlı tədbirlər haqqında” 2016-cı il 2 may tarixli Sərəncamına əsasən aparılır.Ağdam Rayon İcra Hakimiyyətindən bildiriblər ki, tamamilə dağılmış 8 evdən 7-də hörgü, beton, dam örtüyü, suvaq, elektrik işləri başa çatıb. Hazırda bu evlərdə döşəmə və tavan vurulur, malyar işləri görülür. Bir evdə isə dam örtüyü vurulur. Bərpa olunan evlərin 13-də işlər başa çatıb, 2-də suvaq işləri görülür. 26 evdə təmir işləri aparılıb. Qismən zərər dəymiş 150 evdə dəyən ziyan aradan qaldırılıb.Bərpa, təmir və tikinti işlərinin iyulun sonunadək başa çatdırılması nəzərdə tutulur.
Baxış sayı: 1 496




