Azərbaycan Respublikasının Qeyri Hökumət Təşkilatlarına Dövlət Dəstəyi Agentliyinin maliyyə dəstəyi ilə “ Xaçmaz Kənd Təsərrufatının İnkişafına Dəstək” İctimai Birliyi tərəfindən “Kəndlərdə Ekoturizmin inkişaf etdirilməsi sahəsində maarifləndirmə işlərinin təşkili ” layihəsi çərçivəsində 30.03.2022-ci il tarixdə Xaçmaz rayonunun Nabran kəndinin aktiv nümayəndələrinin iştirakı ilə təlim keçirildi.

21 nəfərin iştirak etdiyi təlimdə layihə koordinatoru Famil Baxışov giriş sözü ilə layihənin məqsədi üzrə iştirakçıları geniş şəkildə məlumatlandırdı. Təlimçi Fərrux Əsgərov kəndlərdə ekoturizmin necə inkişaf etdirilməsi haqqında kəndin aktiv nümayəndələrinə ətraflı məlumat verdi. Kənd qonaq evlərinin vəziyyətinin və ətraf mühitin ekoloji vəziyyətinin yaxşılaşdırılmasının vacibliyini vurğuladı. Qonsu ölkələrdə olan ekoturizm haqqında müsbət yenilikləri bu sahəyə tətbiq edilməsindən danışdı. Xaçmaz Turizm İnformasiya Mərkəzinin nümayəndəsi Pərviz Məmmədov çıxış edərək, qəsəbə sakinlərini bu işdə fəal olmağa çağırdı və ekoturizm, kənd turizminin inkişaf etdirilməsinin Azərbaycan Respublikası Dövlət Turizm Agentliyinin diqqət mərkəzində olduğunu qeyd etdi. Təlim kənd sakinləri tərəfindən maraqla qarşılandı və geniş müzakirələr aparıldı. Sonra kəndin aktiv nümayəndələri çıxış edərək kənddə bu işlərin görülməsi üçün icmanın yaradılması effektli və məqsədə uyğun olduğunu bildirdi.

Deyilənləri nəzərə alaraq kəndin aktiv nümayəndələrinin təçəbbüsü ilə icma yaradıldı.İcmaya 5 nəfər səsvermə yolu ilə üzv seçildi.İcmaya sədr Tarıverdiyev Mahir səsvermə yolu ilə seçildi. İcma üzvləri öz növbəsində çıxış edərək ekoturizmin inkişafının davamlı olaraq yerlərdə təmənnasız məsləhət verəcəklərini, dəniz və meşə ətrafında olan çiriklənmış əraziləri kənd əhalisinin köməyi ilə təmizlənməsinə nail olacaqlarını bildirdilər. İcma üzvləri turların təşkil edilməsi üçün əllərindən gələni edəcəklərinə söz verdilər və davamlı olaraq bu işlə daimi məşğul olacaqlarını qeyd etdilər.. Kənd turizmin inkişafında “ Xaçmaz Kənd Təsərrufatının İnkişafına Dəstək” İctimai Birliyinin sədri Famil Baxışov və Xaçmaz Turizm İnformasiya Mərkəzinin nümayəndəsi Pərviz Məmmədov lazımı lazımı köməklik göstərəcəklərini bildirdilər.

İştirakçılar tərəfindən təlim yüksək qiymətləndirildi.Kənd icra nümayəndəsi və Bələdiyyə sədri öz növbəsində çıxış edərək bu tədbirlərdə icma üzvlərinə yaxından kömək edəcəklərini bildirdilər. İcma üzvü Salahova Nəzakət bu sahədə kənd turizmin inkişafı əvvəlki illərə nisbətən inkişaf etdiyini bildirdi. İştirakçılar təlimdən tam razı olduqlarını və yerlərdə analoji təlimlərin mütəmadi keçirilməsinə ehtiyacın olduğunu bildirdilər.