Sənin damarlarında ulu türkün qanı var

Sənin polad sinəndə əcdadının canı var.

Sənin səsin hayqıran bir millətin səsidir,

Dünya lərzə gətirən bir türkün nərəsidir.

İgidim, canım mənim

Haydı aslanım mənim!

 

Düşmən tapdağı altda torpaq səni çağırır.

Köksündəki dağları “İMDAD” deyə bağırır.

Hörüyündən asılmış neçə qızın, gəlinin.

Bir igid haraylayır arın-namusun sənin.

İgidim, canım mənim

Haydı, aslanım mənim!

 

O şəffaf sularının çoxdan dəyişib rəngi.

İntiqama çağırır, susmaq bilməyir cəngi.

Dünənki mərdliyinin bu gün gəlib zamanı

Səni gözləyir meydan döyüşlərin sultanı!

İgidim, canım mənim

Haydı, aslanım mənim!

 

Bir millətin hökmüsən, “olun-ölüm” səndədir.

İntiqamın gözündə, taleyin əlindədir.

Vətən sənə güvənir, sən tarx yazacaqsan,

Azərbaycan əsgəri qələbə çalacaqsan!

İgidim, canım mənim

Haydı, aslanım mənim!

 

Leyla Rəşid: