Məlumatda deyilir: “Dağlıq Qarabağ münaqişəsi zonasında atəşkəs rejiminin pozulması və insan itkiləri barədə xəbərlərdən ciddi narahatlıq bildiririk. Tərəfləri təmkinli olmağa və atəşkəs müqaviləsinə əməl etməyə çağırırıq”. Eyni zamanda, qeyd olunur ki, Qazaxıstan Dağlıq Qarabağ probleminin nizamlanması üzrə ATƏT-in Minsk qrupunun səylərini, münaqişənin yalnız sülh yolu ilə həllinin zəruriliyi barədə Azərbaycanın mövqeyini dəstəkləyir.
Bildirilir ki, Qazaxıstan Respublikası Dağlıq Qarabağ münaqişəsinin kompromis həlli prosesinin fəallaşmasına tərəfdardır və münaqişənin həlli üçün tərəflərin konstruktiv münasibət göstərməsinə ümid edir. 
Qoşunların təmas xəttində yaranan gərginliyi ölkənin yerli informasiya agentlikləri “Kazinform.kz”, “Tengrinews.kz”, “Bnews.kz” və digər portallar da işıqlandırıb. (AZƏRTAC)