Hüquqi islahatlar qarşısı alınmaz prosesdir. Hər bir dövlətin inkişafında, məsuliyyətli cəmiyyətin yaradılmasında hüquq sisteminin təkmil olması, hər kəsin qanunla yaşamaq vərdişləri əsas prinsiplərdən biridir. Heç şübhəsiz ki, qanuna hörmətsizlik, özünü qanundan üstün tutaraq sadə insanlara və dövlətçilik prinsirlərinə xor yanaşmağın aqibətini son proseslər zamanı görürük.

Bəzi icra başçılarının, müxtəlif dövlət strukturlarında çalışan vəzifə sahiblərinin həbs olunması bu prosersin davam edəcəyini və cinayət varsa cəza olacağı prinsipini bir daha təsdiqləyib. Cənab Prezidentin qeyd etdiyi kimi, hər bir məmur xalqın xidmətçisidir. Özünü xalqın xidmətçisi hiss etməyən, qanunlara və sadə insanlara sayqısız yanaşan məmurun son aqibəti göz önündədir. Bu proses bir çox məmurlara ibrət dərsi olmalıdır.

Deyəsən, kimlərəsə ibrət dərsi olmir. Son toy qalmaqalı, mövcud pandemiya şəraitində qanunları pozmaq cəhdləri bəzi şəxslərin cəzasız qalacaqları eyforiyasından, qaydalara əməl etməmək vərdişlərində qaynaqlanır. Yolunu azan, hüquqla yaşamaq vərdişləri olmayan hər kəs bilməlidir ki, cinayət, qanun pozuntusu varsa cəza olmalıdır.

Əkrəm Bəydəmirli