Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası "İslahatlara dəstək və ictimai nəzarət mexanizmləri" mövzusunda onlayn konfrans keçirib.

Konfransda Milli Məclisin deputatı Azay Quliyev çıxış edərək Azərbaycanda karantin şəraitində görülən işlərdən, QHT sektorunun bu bu sahədə dövlət qurumları ilə birlikdə fəaliyyətindən söhbət açıb.Şura sədri QHT sektorunun strateji hədəflərində duran məqamlara, ictimai nəzarətin necə təşkili məsələlərinə münasibət bildirib.

Azay Quliyevin təşəbbüsü və sədrliyi ilə keçirilən konfransda Konstitusiya Araşdırmalar Fondunun sədri Əliməmməd Nuriyev "İctimai nəzarət və etik standartlara riayət olunması", Sahibkarlığa və Bazar İqtisadiyyatının İnkişafına Yardım Fondunun sədri Sabit Bağırov "Ölkədə aparılan sosial-iqtisadi islahatlara QHT-lərin dəstəyi", Müstəqil Hüquq Mərkəzinin sədri Aydın Kərimov isə "Yeni dövrün çağırışları və vətəndaş cəmiyyətinin üzərinə düşən vəzifələr" mövzusunda məruzə ilə çıxış ediblər. Toplantəya qatılan QHT və media təmsilçiləri mövzu ilə bağlı fikir və mülahizlərini bildiriblər.