Ölkəmizin bütün bölgələrində olduğu kimi Pirallahı rayonunda da bələdiyyə seçkiləri ilə əlaqədar səsvermə prosesi uğurla davam edib. Səhər saatlarından etibarən 13 saylı Xəzər-Pirallahı seçki dairəsi üzrə Pirallahı rayonunda olan 10 daimi seçki məntəqəsinə səsvermə başlayan andan vətəndaş axını davam edib.

Səs verənlərin fəallığı ilə bağlı məntəqələrdə seçki posesini müşahidə edən Yeni Azərbaycan Partiyası (YAP) Pirallahı rayon təşkilatının sədri Hikmət Şikarov məlumat verdi ki, insanlar seçkidə fəal iştirak edir: «Səhər saat 8:00-dan başlayaraq məntəqələrdə qeydiyyatda olan seçicilər bələdiyyə namizədlərinə səs verirlər. Rayon sakinləri xoş əhvalla səsvermədə iştirak edib, heç bir qanun pozuntusu baş verməyib».