Türkiyədə fəaliyyət göstərən Tarixdaş Millətlər və Cəmiyyətlər Dərnəyi (TMCD) Xocalı soyqırımı ilə bağlı daha bir tarixi layihəyə imza atıb.
AZƏRTAC xəbər verir ki, Ankaradakı Yıldırım Bəyazid Universiteti (YBU) ilə Tarixdaş Millətlər və Cəmiyyətlər Dərnəyi arasında imzalanan anlaşmaya əsasən, YBU ərazisində Xocalı adına park və şəhidlərimizin xatirəsinə abidə ucaldılır.
Noyabrın 16-da Ankarada bu layihənin, eləcə də www.hocalisoykirimi.org saytının və “Tarix, siyasət və beynəlxalq hüquqda Xocalı soyqırımı” kitabının təqdimatı keçiriləcək. Tarixdaş Millətlər və Cəmiyyətlər Dərnəyi tərəfindən təşkil olunan təqdimata Azərbaycan və Türkiyədən olan rəsmi şəxslər, millət vəkilləri, tarixçi-alimlər, QHT və KİV təmsilçiləri dəvət olunublar. TMCD-dən verilən məlumata görə, Ankarada tikintisi başlanan Xocalı Parkı 1.5 hektar ərazini əhatə edir. Parkın və orda Xocalı soyqırımı qurbanlarının xatirəsinə ucaldılacaq abidə nadir memarlıq üslubunda layihələşdirilib. Qurumun rəhbəri Əhməd Baba bildirib ki, Xocalı parkı olaraq bu ərazinin seçilməsində məqsəd Türkiyənin ən qocaman təhsil ocaqlarından olan YBU-nun tələbələrinin gündəlik yaddaşında Xocalı soyqırımının acılarını yaşatmaqdır ki, gənclərimiz hər zaman tarixdə baş verən dəhşətlərdən ibrət alsınlar.
Qeyd edək ki, Tarixdaş Millətlər və Cəmiyyətlər Dərnəyi qardaş Türkiyədə Xocalı soyqırımı ilə bağlı davamlı olaraq konfrans və digər təyinatlı tədbirlər keçirən qeyri-hökumət təşkilatları sırasında öndə gedir.
Baxış sayı: 1 215
President Ilham Aliyev’s speech during meeting at first residential complex in Zangilan in world media spotlight
Organizing committee holds meeting regarding hosting of WUF13
Giorgia Meloni: I am confident that the friendly relations between Italy and Azerbaijan will develop even further from now on
Hikmet Hajiyev: Azerbaijan is seeking clarity regarding fate of thousands of individuals reported missing
68 more families relocated to Khojavend district receive house keys

