Məhşur “Berlin Q Gallery” incəsənət mərkəzində “Xalq Bank”ın “Xalq Əmanəti” layihəsi əsasında dərc olunan, Mirzə Şəfi Vazehin bütün əsərlərinin toplandığı kitabın təqdimatı olub.
AZƏRTAC xəbər verir ki, “Xalq Əmanəti” layihəsinin rəhbəri, jurnalist Rafiq Həşimov 2010-cu ildən bu layihənin həyata keçirildiyini bildirib. Qeyd edib ki, layihə xalqımızın mədəni irsinin qorunub gələcək nəsillərə ötürülməsi, mənəvi dəyərlərimizin dünyaya tanıdılması məqsədi daşıyır.
“Bu zəngin mədəniyyəti daim qorumaq və inkişaf etdirmək mənəvi borcumuzdur. Ötən zaman ərzində tanınmış Azərbaycan rəssamları Böyükağa Mirzəzadə, Maral Rəhmanzadə, Səttar Bəhlulzadə, Xalidə Səfərova, Mikayıl Abdullayev, eləcə də Mahmud Tağıyev, Vəcihə Səmədova, Kamal Əhməd, Ələkbər Rzaquliyev, Fazil Əliyev, Rza Məmmədov, Gennadi Brijatyuk və Qorxmaz Sücəddinov, şəhid-heykəltəraş Samir Kaçayevin əsərlərindən ibarət bədii albomlar nəşr edilib. Xalq şairləri Məmməd Araz, Hüseyn Arif, Xəlil Rza Ulutürk, unudulmaz Mikayıl Müşfiqin seçilmiş əsərləri, görkəmli alim, numizmat professor Əli Rəcəblinin “Azərbaycan sikkələri” kitabı və 3 cildlik “Aşıq ədəbiyyatı antologiyası” işıq üzü görüb. Layihənin növbəti 18-ci nəşri böyük Azərbaycan şairi, mütəfəkkiri Mirzə Şefi Vazehin yaradıcılıq irsinə həsr olunub”, - deyə R.Həşimov qeyd edib.
Sonra Rafiq Həşimov və alman aktrisa Kristyina Foqt ədibin şeirlərindən paçaları Azərbaycan və alman dillərində söyləyiblər.
Sonda Vazeh poeziyasını özündə əks etdirən musiqi parçaları səsləndirilib.
Baxış sayı: 1 208
From Shavkat Mirziyoyev, President of the Republic of Uzbekistan
Azerbaijan’s cultural heritage showcased at festival in South Korea
Media and Broadcasting Council urges media to cite official sources in reports on President
Two books on Yerevan’s history added to US Library of Congress catalogue
Farid Shafiyev: Azerbaijan proved that peace is achievable through direct talks with Armenia

