Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyilə “Cəmiyyətin Davamlı İnkişafına Yardım” İctimai Birliyi tərəfindən “İcmaların məktəblilər və valideyn komitələri vasitəsilə Açıq Hökumətin Təşviqi üzrə maarifləndirilməsi” layihəsi çərçivəsində Qusar rayonunun İmamqulukənd kəndində məktəblilər və valideyinlərə təlim keçirilib.

"Elektron portallardan istifadə bacarıqlarının artırılması ilə yerli icmalarda əhaliyə göstərilən xidmətlərin keyfiyyətinin və xidmət mədəniyyətinin yüksəldılməsi” mövzusunda təlimin məqsədi Açıq Hökumətin prinsipləri barədə valideyn komitələrinin və məktəblilərin məlumatlılığının artırılması, məktəblilər və valideyn komitələri vasitəsilə icmalarda Açıq Hökumətin təşviqinə dəstək vermək olub.

Layihə koordinatoru Fərrux Əsgərov giriş sözü ilə layihənin donoru, məqsədi barədə iştirakçılara məlumat verib. Təlimçi Nizami Musayev Elektron portaldan istifadə qaydaları ilə hədəf qrup üzvlərini ətraflı məlumatlandırıb və Elektron Dövlət Portalında qeydiyyatdan keçməyin qaydalarını geniş izah edib.

İştirakçı Müslüm Manatilov və Ramin Səfərov tədbirdə aktiv iştirak etdiklərinə və dəqiq elmlərə böyük maraqları olduğuna görə valideyn Marina Kazımova ilə birlikdə gələcəkdə könüllü olaraq kənd sakinlərinin Elektron Dövlət Portalı üzrə məlumatlandırılmasını öhdələrinə götürüblər. Layihənin eksperti Emin Əsgərov iştirakçıları Azərbaycan Respublikası Nəqliyyat, Rabitə və Yüksək Texnologiyalar Nazirliyi Elektron Xidmətlər Reyestri ilə məlumatlandırıb.

Fact-info.az