“Ahıllara və Tənhalara Dəstək” İctimai Birliyi Azərbaycan Respublikasının Prezidenti yanında QHT-lərə Dövlət Dəstəyi Şurasının maliyyə dəsətəyilə həyata keçirdiyi “Ahılların asudə vaxtının səmərəli təşkili” layihəsinin icrasını davam etdirir.

Təşkilat Bilgəh qəsəbəsində yerləşən Müharibə və Əmək Əlilləri üçün Pansionatda məskunlaşan kimsəsiz qadınlar arasında mətbəx bacaqırlarının nümayiş olunması ilə bağlı yarış təşkil edib.

Yarışdan öncə təşkil olunan tədbirdə çıxış edən Pansionatın direktoru Qətibə Əsədova bu cür tədbirlərin keçirilməsinin vacibliyini qeyd edərək bildirib ki, pansionat sakinlərinin istirahətinin səmərəli keçirilməsi onların əhval ruhiyyəsinə müsbət təsir göstərir. Xüsusən bu tədbirlərin müxtəlif qurumlar tərəfindən təşkil olunması yeni ünsiyyətlərin və əlaqələrin meydana gəlməsinə səbəb olur.

Sonra çıxış edən “Ahıllara və Tənhalara Dəstək” İctimai Birliyinin sədri Ruhiyyə Məmmədova layihə haqqında məlumat verib. Təşkilat sədri bildirib ki, layihənin məqsədi ahılların asudə vaxtının səmərəli təşkilindən ibarətdir.

Respublika Qadınlar Cəmiyyətinin sədr müavini Vəfa Abbasova da çıxışında sosial yönümlü layihələrin icrasının vacibliyini qeyd edib. Müxtəlif yeməklərin hazırlanması ilə davam edən yarışda 10 yaşlı qadın iştirak edib. Qalib və iştirakçılara hədiyyə və diplomlar təqdim edilib.