Q.Paşayeva Türkiyənin müxtəlif bölgələrində Qarabağ adını daşıyan park və abidələrin artmasının dosta da, düşmənə də bir mesaj olmaqla bərabər gənc nəsillərin ortaq tarix və həqiqətlərimizi dərindən bilməsi üçün önəmli olduğunu deyib. Millət vəkili bu addımın digər bir çox bələdiyyələr üçün də gözəl örnək olacağına inandığını deyib. 
Afşin bələdiyyə başqanı ilə budəfəki görüşündə Q.Paşayeva Qarabağ problemi, Ermənistanın işğal etdiyi Azərbaycan torpaqlarında törətdiyi vandalizm aktları, Xocalı soyqırımı barədə danışıb. 
“İnşallah bir gün işğaldan azad edəcəyimiz Dağlıq Qarabağda da Afşin adına bir parkın açılışında iştirak etməyi Allah bizə nəsib etsin” deyib. 
Afşin bələdiyyə başqanı Mehmet Fatih Güven “Qarabağ problemi bizim də, Türkiyənin də problemidir və Afşində Qarabağ adını daşıyacaq parkı yüksək səviyyədə düzəltmək də bizim borcumuzdur” deyib. 
Qənirə Paşayeva Azərbaycan ilə Türkiyənin bir çox şəhərlərinin və bələdiyyələrinin qardaş şəhərlər və bələdiyyələr olduğunu bildirərək, qədim Afşinin də artıq Azərbaycan bölgələrindən biri ilə qardaş olaraq görmək istədiyini bildirib.  
Azərbaycanı çox sevdiyini deyən Afşin bələdiyyə başqanı Mehmet Fatih Güven Türkiyə ilə Azərbaycan arasında əlaqələrin yüksək səviyyədə olmasından böyük məmnuniyyət duyduğunu deyib.  
Görüşün sonunda millət vəkili Qənirə Paşayeva Afşin bələdiyyyə başkanına həmmüəllifi olduğu “Karabağ hikayeleri” kitabını, Azərbaycanın tarixi, mədəniyyəti, Dağlıq Qarabağ həqiqətlərindən bəhs edən kitabları, matreialları, rəhbərlik etdiyi Avrasiya Beynəlxalq Araşdırmalar İnstutu İB-nin hazırladığı “Azərbaycan Həqiqətləri” sənədli filmlər kataloqunu hədiyyə edib.(Modern.az)