Özbəkistan Mədəniyyət Nazirliyinin təşəbbüsü, UNESCO-nun himayəsi ilə Qaşqadərya vilayətinin mərkəzi Termez şəhərində keçirilən Beynəlxalq Baxşi (aşıq) sənəti festivalı davam edir.
AZƏRTAC xəbər verir ki, Özbəkistanda ilk dəfə keçirilən festivalda ölkəmizi şair, publisist Əkbər Qoşalı, Azərbaycan Milli Elmlər Akademiyasının Folklor İnstitutunun əməkdaşı Əli Şamilov, Aşıq Samirə Əliyeva və Aşıq Əli Quliyev təmsil edir.
Bu gün Aşıq Samirə Əliyeva və Aşıq Əli Quliyev festival çərçivəsində qədim el havalarımızı ifa ediblər. Onların çıxışları alqışlarla qarşılanıb.
Festivala dünyanın 74-dən artıq ölkəsindən gələn 160-dan artıq baxşi, aşıq, akın, ozan, həmçinin folklorçu alimlər, müxtəlif xalqların folklor ansamblları qatılıb.
Aprelin 10-dək müxtəlif xalqların nümayəndələri baxşi, aşıq, akın, ozan öz xalqlarının musiqilərini təqdim edirlər. Festivala Tacikistandan gələn baxşi ustası Xatam aka Xakimovun 90, Malayziyadan gələn iştirakçı Kamarul Baixaki Bin Kamarul Baisaxunun isə 9 yaşı var.
Festival çərçivəsində “Dünya sivilizasiyasında baxşi sənətinin rolu” adlı Beynəlxalq elmi-praktik konfrans da keçirilir.
Baxış sayı: 1 356
Latvian ambassador congratulates Azerbaijan on successful completion of COP29
President Ilham Aliyev: Azerbaijan has created favorable conditions for lasting peace in the South Caucasus
“Missing Families of Karabakh” Public Union welcomes adoption of “Missing Persons” resolution by UN General Assembl
COP29 features panel discussion on “COP to COP Agrifood Legacies: A Key to Achieving Global Climate Goals”
Foreign Ministry comments on Fifth Opinion of Advisory Committee on Implementation of Council of Europe Framework Convention for Protection of National Minorities by Azerbaijan