Polşanın Poznan şəhərində “Little Armenia” adlı restoranın girişində quraşdırılmış lövhədə Azərbaycan Respublikasının ərazi bütövlüyünü şübhə altına alan təsvir verilib. Sözügedən təsvirdə Ermənistanın xəritəsi Azərbaycanın Ermənistan tərəfindən işğal edilmiş əraziləri ilə birgə göstərilib.
Xarici İşlər Nazirliyinin mətbuat xidmətindən bildiriblər ki, bu qəbuledilməz təsvirin “Little Armenia” adlı restoranının üzərindəki lövhədən yığışdırılması istiqamətində Azərbaycanın Polşadakı səfirliyi tərəfindən dərhal təxirəsalınmaz fəaliyyətə başlanılıb. Bununla əlaqədar Polşa Respublikasının müvafiq qurumlarına etiraz məktubları göndərilib və müvafiq görüşlər keçirilib. Səfirlik tərəfindən görülmüş tədbirlər nəticəsində yuxarıda qeyd edilən təsvir restoranın üzərindən götürülüb.
Azərbaycan Respublikasının ərazi bütövlüyünü və suverenliyini şübhə altına alan, eləcə də Ermənistan Respublikası tərəfindən işğal edilmiş ərazilərimizdə həyata keçirilən bütün qeyri-qanuni iqtisadi və digər fəaliyyətlər Xarici İşlər Nazirliyinin və diplomatik nümayəndəliklərimizin diqqət mərkəzindədir.
Baxış sayı: 1 274
Azerbaijan calls for international support in humanitarian demining efforts
Leyla Aliyeva highlights importance of international cooperation in fight against childhood cancer
Washington hosts exhibition-concert marking anniversary of restoration of Azerbaijan’s independence
Baku Declaration adopted
ANAMA: 1,239.1 hectares cleared of mines and unexploded ordnance last week