FACT-INFO.AZ » MƏDƏNİYYƏT » “Qarabağ şikəstəsi” miniatür kitabının təqdimatı olub
28-02-2019, 09:10 | MƏDƏNİYYƏT
“Qarabağ şikəstəsi” miniatür kitabının təqdimatı olub

Miniatür Kitab Muzeyinin yaradıcısı və təsisçisi Zərifə Salahova tədbirin aparıcısını, Azərbaycanın Xalq artisti Vaqif Əsədovu təqdim edib. V.Əsədov deyib ki, bu günlər Azərbaycan xalqı 27 il əvvəl erməni işğalçıları tərəfindən törədilmiş Xocalı soyqırımının qurbanlarının xatirəsini anır. Hazırda təkcə ölkəmizdə deyil, onun hüdudlarından çox uzaqlarda – dünyanın müxtəlif ölkələrində xatirə tədbirləri keçirilir. Xocalı faciəsinin Azərbaycanın tarixinə qanlı hərflərlə yazıldığını vurğulayan V.Əsədov 1992-ci ilin o dəhşətli fevral gecəsində baş vermiş hadisələr haqqında həqiqətlərin beynəlxalq ictimaiyyətə çatdırılmasının əhəmiyyətini qeyd edib.

V.Əsədov bildirib ki, “Qarabağ şikəstəsi” poeması Qarabağ ağrısı, həqiqi və səmimi vətənpərvərlik hissləri ilə dolu olan bir əsərdir. Sonra şairə və dramaturq Leyla Bəyim və Azərbaycanın Əməkdar artisti, Azərbaycan Dövlət Gənc Tamaşaçılar Teatrının aktyoru Elşən Rüstəmov “Qarabağ şikəstəsi” poemasından rus və Azərbaycan dillərində parçalar oxuyublar. Zərifə Salahova kitabın özü barədə informasiya verərək bildirib ki, 65x50 millimetr ölçüdə, 168 səhifədən ibarət “Qarabağ şikəstəsi” miniatür kitabı Miniatür Kitab Muzeyinin sifarişi ilə “Indıgo” nəşriyyatında dörd dildə - Azərbaycan, rus, ingilis və alman dillərində 100 nüsxə tirajla nəşr edilib. Miniatür kitabın üzqabığında rus rəssamı Nikolay Sverçkovun “Qarabağ atı” (1865) əsəri təsvir edilib.

“Mədəniyyət.AZ” jurnalının baş redaktoru, filologiya üzrə fəlsəfə doktoru, Əməkdar mədəniyyət işçisi Zöhrə Əliyeva çıxışında qeyd edib ki, Leyla Bəyimin rus dilində şeir yazmağa üstünlük verməsinə baxmayaraq, o, Azərbaycan xalqının Qarabağ kədərini və doğma diyara sonsuz məhəbbəti çox dolğun ifadə edib. L.Bəyimin Azərbaycan dilinə tərcümə olunmuş şeirlərində də müəllifin hissləri məharətlə və sərrast verilib. Sonra şair, Qarabağ müharibəsinin iştirakçısı Ələddin Yaqubov çıxış edib. O, təsirli şeirlərinə görə müəllifə təşəkkür edərək bildirib ki, Ermənistan-Azərbaycan Dağlıq Qarabağ münaqişəsi, Xocalı soyqırımı və Azərbaycan xalqının tarixinin digər qanlı hadisələri barədə həqiqətlərin bir çox ölkələrin rusdilli vətəndaşlarına çatdırılması nöqteyi-nəzərindən L.Bəyimin əsərləri böyük əhəmiyyət kəsb edir.

Qeyd edək ki, Leyla Bəyim Bakıda anadan olub, hazırda Praqada yaşayır. O, Azərbaycan Yazıçılar Birliyinin, Avropa Ədibləri Konqresinin və Çexiyanın Rusdilli Yazıçılar İttifaqının üzvüdür, 4 şeirlər toplusunun müəllifidir. Yefim Abramovla birlikdə bir neçə pyes yazıb. Onlardan biri - “Xəyalpərəst oğlanlar” Azərbaycan Gənc Tamaşaçılar Teatrında səhnələşdirilib. Hazırda Bakıda “Qurban” pyesinə quruluş verilir. Onun ideya müəllifi L.Bəyimdir. Şairə Azərbaycan, Rusiya, Ukrayna, Çexiyada nəşr olunan ədəbi qəzet, jurnal və almanaxlarda dərc olunan çoxsaylı yazıların müəllifidir. L.Bəyimin şeir və pyesləri çex dilində də dərc edilir.




Baxış sayı: 1 424
Azərbaycan Avropanın enerji təhlükəsizliyinə və inkişaf gündəliyinə töhfə verən mühüm tərəfdaşdır Dünən, 17:00 “The Wall Street Journal”: İran müharibəyə rəğmən 2500-ə qədər raketə malikdir Dünən, 17:00 Prezident İlham Əliyev Mahmud Abbası təbrik edib Dünən, 16:30 “Keçmişdən sabaha yol kəlağayı” kitabı oxuculara təqdim olunub Dünən, 13:30 Yol polisi küləkli hava şəraiti ilə bağlı sürücülərə müraciət edib 14-11-2026, 18:00 Azərbaycan–Birləşmiş Krallıq əlaqələri: Etibarlı münasibətlərdən strateji tərəfdaşlığa 14-11-2026, 16:30 “Sabirin sözü, zamanın gözü” kitabının təqdimatı reallaşıb 14-11-2026, 16:30 Tələbələrin fotolarını süni intellektlə montaj edərək hədə-qorxu ilə pul tələb edən şəxs saxlanılıb 13-11-2026, 19:30 COP31-də növbəti tematik gün maliyyə və ticarət məsələlərinə həsr olunub 13-11-2026, 14:30 Media və Yayım Şurası açıqlama yayıb 13-11-2026, 14:30 Azərbaycan Prezidenti İlham Əliyev Dublində Böyük Britaniyanın Baş naziri ilə görüşüb 13-11-2026, 12:30 Qarabağ təbiətinin şəfa mənbəyi 13-11-2026, 11:30 Baş prokuror Binəqədi rayonunda vətəndaşların müraciətlərini dinləyəcək 13-11-2026, 11:30 Bakıda “Eternity-2026” təliminin açılışı olub 13-11-2026, 11:30 Prezident İlham Əliyev “Avropa Siyasi Birliyi”nin 9-cu Zirvə Toplantısı çərçivəsində dəyirmi masada iştirak edib 13-11-2026, 09:30 Bir əsrin işığında türkologiya 12-11-2026, 19:00 “Azercell” Gəncə və Xankəndidə 100 müəllimin süni intellekt bacarıqlarını inkişaf etdirib 12-11-2026, 18:30 12 noyabr – Konstitusiya Günü 12-11-2026, 18:30 Prezident İlham Əliyev “Avropa Siyasi Birliyi”nin 9-cu Zirvə Toplantısının açılış plenar sessiyasında iştirak edib 12-11-2026, 18:30 Prezident İlham Əliyev Dublində Volodimir Zelenski ilə görüşüb 12-11-2026, 16:00 Qərbi Azərbaycana həsr olunmuş kitab əcnəbi dildə nəşr edilib 12-11-2026, 11:00 Azərbaycanın təşəbbüsü ilə irəli sürülmüş itkin düşmüş şəxslərlə bağlı qətnamə BMT-nin Komitəsində qəbul edilib 12-11-2026, 10:00 “IRS-Naslediye” jurnalının yeni nömrəsi işıq üzü görüb 12-11-2026, 10:00 Birinci vitse-prezident Mehriban Əliyeva Konstitusiya Günü ilə bağlı paylaşım edib 12-11-2026, 09:30 G7 ölkələrinin XİN rəhbərləri Ukraynaya uzaqmənzilli silahların tədarükünü müzakirə ediblər 12-11-2026, 09:30 Mədəni və yaradıcı sənaye sahəsində qrant müsabiqəsi elan edilib 11-11-2026, 21:00 "Rəqəmsal Media Ayı" çərçivəsində növbəti təlim proqramına başlanılıb 11-11-2026, 18:00 İrəvandakı tarixi Göy məsciddə müsəlman dini mərasimi ilə bir araya sığmayan tədbirin keçirilməsi vandalizmdir - QMİ 11-11-2026, 16:30 Prezident İlham Əliyev və birinci xanım Mehriban Əliyeva COP31-in Liderlər Sammitində iştirak ediblər 11-11-2026, 16:00 Xəzərin səviyyə tərəddüdləri və Günəş fəallığı, yeni tədqiqatlar 11-11-2026, 14:30
Köşə yazarları
Təqvim
«    Noyabr 2026    »
BeÇaÇCaCŞB
 1
2345678
9101112131415
16171819202122
23242526272829
30