Azərbaycanın Litvadakı səfirliyindən verilən məlumata görə, Vilnüs şəhərində kitabın təqdimatı keçirilib. 

Təqdimatla bağlı Litvanın nüfuzlu qəzetində məqalə dərc edilib. 

Kitabda Dağlıq Qarabağ münaqişəsinin köklərinə, beynəlxalq hüququn Ermənistan tərəfindən kobud şəkildə pozulmasına və münaqişənin sülh yolu ilə həlli variantlarına toxunulub.

Məqalədə bildirilir ki, 1994-cü ildə münaqişə tərəfləri olan Azərbaycanla Ermənistan arasında danışıqlar təşkil etmək üçün ATƏT-in Minsk qrupu yaradılıb. Dövlətlər Dağlıq Qarabağ ətrafındakı ərazilərin Azərbaycana qaytarılmasını nəzərdə tutan Madrid prinsipləri əsasında razılığa gəlib. Həmçinin qaçqın və məcburi köçkünlərin öz torpaqlarına qayıtması da bu prinsiplər sırasında daxil edilib. 

Litva Hərbi Akademiyasının müəllimi Laura Kirvelite danışıqlar prosesinin hələ də nəticəsiz qalmasının səbəblərini belə izah edib: “Ermənistan  Dağlıq Qarabağın əhalisi arasında referendum keçirmək istəyir, hansı ki, orda əhalinin 90%-i ermənidir. Azərbaycan isə Ermənistanın işğal edilmiş ərazilərdən qoşunlarını geri çəkməsini gözləyir”.