Sahibə Qafarova “Qadınlara qarşı zorakılığın aradan qaldırılması üçün ən yaxşı təcrübələrin yayılması” adlı məruzəsində Avropa Şurasının qadınlara qarşı zorakılığın və ailədaxili şiddətin önlənməsi və ona qarşı mübarizə üzrə Konvensiyasının (İstanbul Konvensiyası)  qüvvəyə minməsindən sonra bu sahədə ciddi uğurlar əldə olunmasına baxmayaraq mövcud statistik məlumatların hələ də narahatlıq doğurduğunu diqqətə çatdırıb. O bildirib ki, bu gün Avropada hər 3 qadından birinin zorakılığa məruz qalması faktı qarşıda hələ ciddi çağırışlar olduğunu göstərir.

Qeyd edilib ki, qadınlara qarşı zorakılığın önlənməsində parlamentarilərin rolu böyük əhəmiyyət daşıyır və bu sahədə əsas məsələ milli qanunvericiliyin İstanbul Konvensiyasına uyğunluğunu, eləcə də onun doğru formada icra edilməsini təmin etməkdir. Diqqətə çatdırılıb ki, Avropa Şurası müqaviləsində parlamentarilərin və Parlament Assambleyasının bu Konvensiyanın həyata keçirilməsi ilə bağlı rolu dəqiq qeyd edilib. Milli Məclisin deputatı Sahilə Qafarovanın məruzəsi AŞPA-nın daimi komitəsində qəbul olunub.