Fact-info.az-ın məlumatına görə bu fikirləri Azadinform-a açıqlamasında Qərbi Kaspi Universitetinin professoru, politoloq Fikrət Sadıqov deyib. O bildirib ki, bəzi hallarda onlar özlərini inkar edir, amma belə bir həqiqət də var ki, küçə mitinqlərində bəyanat vermək ölkəni idarə etmək üsulu deyil: “Əgər sən ölkəni idarə edirsənsə artıq başqa üsullardan istifadə edə bilməlisən. Bu qabiliyyət Ermənistanın yeni rəhbərliyində hiss olunmur. Həmçinin, Paşinyan xarici siyasətində də çabalayır. Ya gedir Rusiyaya, onlara söz verir ki, ən yaxşı müttəfiqdirlər, ya Fransaya gedir, indi də Amerikaya gedib. Yəni bunların nə xarici, nə də daxili siyasət prioritetləri cızılmayıb. Bir reallıq da var ki, Ermənistan sadəcə öz rəqiblərini aradan çıxarmaq istəyir. Keçmiş rəhbərlərə, digər partiyaların nümayəndələrinə cinayət işi açırlar. Düşünmürəm ki, Ermənistanın belə üsulla ömrü uzun olsun”.