"Əsası ümummilli lider Heydər Əliyev tərəfindən qoyulmuş xarici siyasət kursu bu gün Prezident İlham Əliyev tərəfindən əzmlə davam etdirilir. İlham Əliyevin yürütdüyü siyasət bütün əlaqələrdə Azərbaycanın konstruktiv, beynəlxalq hüququn norma və prinsiplərinə, şəffaflığa, etimad və etibara əsaslandığını, regional və qlobal miqyasda sabitliyə töhfə verdiyini aydın göstərir. Cənab Prezidentin başçılığı ilə Azərbaycan dövlətinin həyata keçirdiyi uğurlu daxili və balanslaşdırılmış xarici siyasət həm regional, həm də beynəlxalq müstəvidə mövqeyimizin möhkəmlənməsini daha da sürətləndirərək bizi yeni-yeni qələbələrə doğru ruhlandırmaqdadır".

Bu fikirləri Fact-info.az-a Yeni Azərbaycan Partiyası Pirallahı rayon təşkilatının sədri Hikmət Şikarov deyib.

O bildirib ki, Azərbaycan istər beynəlxalq, istərsə də regional miqyasda bütün müstəvilərdə öz mövqeyini, maraqlarını ardıcıl şəkildə müdafiə edir: "Bu prinsipial siyasət sayəsində bizimlə hesablaşırlar, mövqe və maraqlarımıza hörmətlə yanaşırlar. Artıq bu gün Avropa İttifaqı, həmçinin quruma üzv olan ölkələr Azərbaycanla əməkdaşlığa can atırlar. Çünki ölkəmiz təşəbbüsçüsü və iştirakçısı olduğu layihələrin reallığa çevrilməsi ilə regional iqtisadi inkişafın aparıcı qüvvəsinə, enerji təhlükəsizliyinin təminatçısına çevrilib".

Sədr qeyd edib ki, xüsusən də son günlərdə ökə baçşısının Xorvatiyaya rəsmi səfəri bir daha sübut etdi ki, Azərbaycan istər regionda, istərsə də beynəlxalq aləmdə söz sahibi olan ölkədir : "Prezident İlham Əliyevin Xorvatiyaya rəsmi səfəri iki ölkə arasında əməkdaşlığın daha da artmasına, iqtisadi əlaqələrin daha da genişləndirilməsinə, ticarət dövriyyəsinin və investisiya layihələrinin daha geniş şəkildə icrasına təkan verməklə yanaşı, Aİ və NATO ilə münasibətlərimizə müsbət təsir göstərəcək. Bütün bunlar isə bu gün Avropa ölkələrinin Azərbaycanla əməkdaşlığa olan meyillərini bir daha açıq şəkildə göstərir"