AMQ-nin sədri, ABŞ Konqresinin hərbi xidmət məsələləri üzrə keçmiş rəhbəri Solomon Ortiz qrupun keçmiş Konqres üzvləri, baş icraçı direktorlar, sahibkarlar, siyasi müşavirlər və ABŞ-da tanınan digər yüksək səviyyəli şəxslərdən ibarət olduğunu deyib. Qrupa ölkə ərazisində seçki məntəqələrini seçməkdə tam azadlıq verildiyini deyən S.Ortiz vurğulayıb ki, 125-dən artıq seçki məntəqəsi təsadüfi qaydada seçildi. AMQ seçki prosesini hərtərəfli izləyib təhlil etdi. Qrup Bakı şəhərində və Azərbaycanın bir neçə rayonunda seçkilərin gedişini izlədi. Yüksək fəallığın hiss edildiyi və aydın şəkildə beynəlxalq normalara müvafiq seçki prosesi müşahidə olundu. Seçki məntəqələrində quraşdırılmış 1000 veb-kamera səsvermənin gedişini bütün dünyada izləmək imkanı yaradıb. Gördüklərimiz beynəlxalq aləmdə tanınan vətəndaş cəmiyyəti təşkilatlarının təklif etdiyi məqsədlərə müvafiq idi. Azərbaycan ədalətli, şəffaf və beynəlxalq müstəvidə qəbul olunan seçki keçirməyə böyük səylər göstərdi və bu məqsədə də nail oldu. Solomon Ortiz bildirib ki, seçki şəffaflığının əsas göstəricilərindən olan “exit-poll” tədqiqatına geniş imkan yaradılması çox müsbət haldır. Müşahidə aparılmış seçki məntəqələrinin heç birində qanun pozuntusu qeydə alınmadı. AMQ seçkilərin azad, ədalətli və şəffaf keçdiyinin şahidi oldu