“Azərbaycan beynəlxalq arenada erməni təxribatlarının qarşısını almaqda davam edəcək”.

Fact-info.az xəbər verir ki, bunu iqtisadiyyat nazirinin müavini Sahil Babayev keçirdiyi mətbuat konfransında bildirib. S. Babayevin sözlərinə görə, sentyabrın 11-14-də Moskvada keçirilən "WorldFood Moscow" Beynəlxalq Ərzaq Sərgisində ermənilər Ermənistanın stendinin qarşısında tanınmayan "Dağlıq Qarabağ Respublikası"nın bayrağını yerləşdirməyə cəhd ediblər: “Biz dərhal bu təxribatın qarşısını ala bildik”.

Xatırladaq ki, sentyabrın 11-də “Worldfood Moscow” Beynəlxalq Ərzaq Sərgisinin ilk günü ermənilər tərəfindən Azərbaycanın işğal edilmiş ərazilərində yaradılmış qondarma rejimin bayrağının yerləşdirilməsinə cəhd edilib. Azərbaycan nümayəndə heyətinin, Azərbaycanın Rusiyadakı səfirliyinin birgə fəaliyyəti və operativ müdaxiləsi nəticəsində növbəti erməni təxribatının qarşısı alınıb və bayraq sərgidən yığışdırılıb.