Ermənistanın təcavüzü nəticəsində yaradılmış Dağlıq Qarabağ münaqişəsinin dinc vasitələrlə nizama salınmasında irəliləyişin əldə edilməsi üçün ilk növbədə işğalçı ölkə problemə səhv yanaşmasından imtina etməlidir.

Bu fikri Azadinform-a açıqlamasında Milli Məclisin deputatı Musa Qasımlı deyib. O qeyd edib ki, Ermənistan Azərbaycanın Dağlıq Qarabağ regionunu özünə birləşdirmək və ya ona müstəqillik verilməsi istəklərindən imtina etməli, işğalçı qüvvələrini Azərbaycanın işğal edilmiş Dağlıq Qarabağ regionundan və digər rayonlarından çıxarmalıdır.

Deputat əlavə edib ki, işğal amili aradan qaldırılmalıdır: “Bunlar olmadıqca,  münaqişənin həlli ilə bağlı əsaslı irəliləyişin əldə edilməsi sual altında olacaq. Davam edən gərgin şərait üçün məsuliyyət Ermənistanın üzərində qalacaq”.