FACT-INFO.AZ » SİYASƏT » Hikmət Babaoğlu: Qubadlının azad edilməsi Laçına və Şuşaya doğru irəliləyişdə mühüm strateji mərhələ oldu
26-10-2026, 09:30 | SİYASƏT
Hikmət Babaoğlu: Qubadlının azad edilməsi Laçına və Şuşaya doğru irəliləyişdə mühüm strateji mərhələ oldu

Oktyabrın 25-i Qubadlının işğaldan azad olunduğu gün və Qubadlı Şəhəri Günü kimi qeyd edilir. Azərbaycanın hər qarış torpağının işğaldan azad olunması mühüm tarixi əhəmiyyət daşıyır. Bununla yanaşı, Qubadlının coğrafi mövqeyi, Ermənistanla sərhəddə yerləşməsi və hərbi-strateji əhəmiyyəti onun azad edilməsini Vətən müharibəsinin gedişində mühüm mərhələlərdən birinə çevirdi. Qubadlının azad olunması Laçın istiqamətində irəliləyiş və Azərbaycanın dövlət sərhədlərinin bərpası baxımından da mühüm imkanlar yaratdı.

Fact-info.az xəbər verir ki, bu fikirləri AZƏRTAC-a açıqlamasında Milli Məclisin deputatı Hikmət Babaoğlu bildirib.

Deputat qeyd edib ki, Qubadlının strateji əhəmiyyəti, ilk növbədə, onun coğrafi mövqeyi və Ermənistanla sərhəddə yerləşməsi ilə bağlıdır.

"Rayonun azad edilməsi Azərbaycan Ordusunun Ermənistan sərhədinə çıxış imkanlarını genişləndirdi və Laçın istiqamətində irəliləyiş üçün zəmin yaratdı. Bu baxımdan Qubadlının azad olunması sonrakı hərbi əməliyyatların gedişinə, xüsusilə Laçın və Şuşa istiqamətində qarşıya qoyulan məqsədlərin həyata keçirilməsinə mühüm təsir göstərdi. Beləliklə, Qubadlıda əldə olunan uğur Azərbaycanın ərazi bütövlüyünün bərpası prosesində strateji əhəmiyyət daşıyan hadisələrdən biri oldu. Qubadlı yalnız hərbi-strateji mövqeyinə görə deyil, həm də iqtisadi potensialı, təbii sərvətləri və tarixi-mədəni irsi ilə Azərbaycanın mühüm rayonlarından biridir. İşğaldan əvvəl rayon kənd təsərrüfatı və aqrar sənaye baxımından inkişaf etmiş ərazilərimizdən sayılırdı. Geniş və münbit torpaqları, əkinçilik üçün əlverişli təbii şəraiti Qubadlıya ölkənin ərzaq təhlükəsizliyinin təmin olunmasında xüsusi imkanlar qazandırırdı. Rayonun tarixi və mədəni irsi də onun Azərbaycanın milli yaddaşında tutduğu yeri müəyyənləşdirən mühüm amillərdəndir", - deyə o diqqətə çatdırıb.

Hikmət Babaoğlunun sözlərinə görə, Qubadlının Şərqi Zəngəzurda yerləşməsi rayonun regional inkişaf baxımından əhəmiyyətini daha da artırır. "Qubadlının azad olunması sonrakı hərbi əməliyyatlar üçün əlverişli şərait yaratdı və Azərbaycan Ordusunun Laçın istiqamətində irəliləməsinə imkan verdi. Nəticədə ölkəmizin ərazi bütövlüyünün və dövlət sərhədlərinin bərpası istiqamətində mühüm addımlar atıldı. Bu hadisələr Qubadlının yalnız yerli deyil, bütövlükdə regionun gələcək inkişafı baxımından da əhəmiyyətini göstərir".

Deputat diqqətə çatdırıb ki, işğaldan azad edildikdən sonra Qubadlının təbii potensialının bərpa və inkişaf prosesində istifadəsi məsələsi də aktuallaşıb: "Qubadlının, eləcə də Laçının su ehtiyatları və Tərtər çayı hövzəsinin imkanları kənd təsərrüfatının inkişafı və hidroenergetika layihələrinin həyata keçirilməsi baxımından əhəmiyyətlidir. Bu ərazilərin təbii resurslarından səmərəli istifadə olunması gələcəkdə yaşıl enerji istehsalına, iqtisadi fəallığın artırılmasına və dayanıqlı inkişafın təmin edilməsinə töhfə verə bilər. Qubadlıya qayıdışın təmin edilməsi və rayonun yenidən qurulması dövlət siyasətinin mühüm istiqamətlərindəndir. İşğaldan azad edilmiş ərazilərdə həyata keçirilən bərpa-quruculuq işləri çərçivəsində Qubadlının gələcək inkişafı üçün də planlaşdırma və infrastruktur layihələri nəzərdə tutulur. Qubadlı şəhərinin 2040-cı ilədək inkişafını əhatə edən Baş Plan rayonun uzunmüddətli perspektivlərini müəyyənləşdirmək, müasir şəhər mühiti yaratmaq və əhalinin doğma yurdlarına qayıdışı üçün şərait formalaşdırmaq baxımından əhəmiyyətlidir. Qubadlının bərpası yalnız yaşayış məntəqələrinin yenidən qurulması ilə məhdudlaşmamalıdır. Rayonun kənd təsərrüfatı potensialının yenidən canlandırılması, təbii resurslardan səmərəli istifadə, müasir infrastrukturun yaradılması və insanların təhlükəsiz yaşayış şəraitinin təmin olunması onun gələcək inkişafının əsas istiqamətlərindəndir. Bu baxımdan bərpa prosesi həm iqtisadi imkanların genişləndirilməsinə, həm də əhalinin doğma torpaqları ilə əlaqələrinin möhkəmləndirilməsinə xidmət edir".

Hikmət Babaoğlu xüsusi vurğulayıb ki, Azərbaycanın hər bir qarış torpağı xalqımız üçün eyni dərəcədə qiymətlidir: "Hərbi-strateji baxımdan müəyyən ərazilərin mövqeyi və əhəmiyyəti fərqlənə bilər. Lakin bu, hər hansı torpağın mənəvi dəyərinin digəri ilə müqayisə edilməsi demək deyil. Azərbaycanın bütün əraziləri xalqımızın tarixi yaddaşının, milli kimliyinin və dövlətçilik irsinin ayrılmaz hissəsidir. Buna görə də hər bir yaşayış məntəqəsinin işğaldan azad edilməsi həm hərbi, həm siyasi, həm də mənəvi baxımdan mühüm hadisədir. Qubadlının azad olunması Azərbaycan xalqının özünəinamını daha da gücləndirdi, Ordumuzun qüdrətini nümayiş etdirdi və Laçınla Şuşanın azad edilməsinə dair ümidləri artırdı. Bu hadisə xalqımızın milli yaddaşında qürur və fərəh günü kimi yaşayır. Qubadlının azadlığı, eyni zamanda, Azərbaycanın ərazi bütövlüyünün bərpasına yönəlmiş mübarizənin uğurlu mərhələlərindən biri olmaqla, işğaldan azad edilmiş torpaqlarda yeni həyatın qurulması üçün zəmin yaratdı".




Baxış sayı: 70
Azərbaycan Avropanın enerji təhlükəsizliyinə və inkişaf gündəliyinə töhfə verən mühüm tərəfdaşdır Dünən, 17:00 “The Wall Street Journal”: İran müharibəyə rəğmən 2500-ə qədər raketə malikdir Dünən, 17:00 Prezident İlham Əliyev Mahmud Abbası təbrik edib Dünən, 16:30 “Keçmişdən sabaha yol kəlağayı” kitabı oxuculara təqdim olunub Dünən, 13:30 Yol polisi küləkli hava şəraiti ilə bağlı sürücülərə müraciət edib 14-11-2026, 18:00 Azərbaycan–Birləşmiş Krallıq əlaqələri: Etibarlı münasibətlərdən strateji tərəfdaşlığa 14-11-2026, 16:30 “Sabirin sözü, zamanın gözü” kitabının təqdimatı reallaşıb 14-11-2026, 16:30 Tələbələrin fotolarını süni intellektlə montaj edərək hədə-qorxu ilə pul tələb edən şəxs saxlanılıb 13-11-2026, 19:30 COP31-də növbəti tematik gün maliyyə və ticarət məsələlərinə həsr olunub 13-11-2026, 14:30 Media və Yayım Şurası açıqlama yayıb 13-11-2026, 14:30 Azərbaycan Prezidenti İlham Əliyev Dublində Böyük Britaniyanın Baş naziri ilə görüşüb 13-11-2026, 12:30 Qarabağ təbiətinin şəfa mənbəyi 13-11-2026, 11:30 Baş prokuror Binəqədi rayonunda vətəndaşların müraciətlərini dinləyəcək 13-11-2026, 11:30 Bakıda “Eternity-2026” təliminin açılışı olub 13-11-2026, 11:30 Prezident İlham Əliyev “Avropa Siyasi Birliyi”nin 9-cu Zirvə Toplantısı çərçivəsində dəyirmi masada iştirak edib 13-11-2026, 09:30 Bir əsrin işığında türkologiya 12-11-2026, 19:00 “Azercell” Gəncə və Xankəndidə 100 müəllimin süni intellekt bacarıqlarını inkişaf etdirib 12-11-2026, 18:30 12 noyabr – Konstitusiya Günü 12-11-2026, 18:30 Prezident İlham Əliyev “Avropa Siyasi Birliyi”nin 9-cu Zirvə Toplantısının açılış plenar sessiyasında iştirak edib 12-11-2026, 18:30 Prezident İlham Əliyev Dublində Volodimir Zelenski ilə görüşüb 12-11-2026, 16:00 Qərbi Azərbaycana həsr olunmuş kitab əcnəbi dildə nəşr edilib 12-11-2026, 11:00 Azərbaycanın təşəbbüsü ilə irəli sürülmüş itkin düşmüş şəxslərlə bağlı qətnamə BMT-nin Komitəsində qəbul edilib 12-11-2026, 10:00 “IRS-Naslediye” jurnalının yeni nömrəsi işıq üzü görüb 12-11-2026, 10:00 Birinci vitse-prezident Mehriban Əliyeva Konstitusiya Günü ilə bağlı paylaşım edib 12-11-2026, 09:30 G7 ölkələrinin XİN rəhbərləri Ukraynaya uzaqmənzilli silahların tədarükünü müzakirə ediblər 12-11-2026, 09:30 Mədəni və yaradıcı sənaye sahəsində qrant müsabiqəsi elan edilib 11-11-2026, 21:00 "Rəqəmsal Media Ayı" çərçivəsində növbəti təlim proqramına başlanılıb 11-11-2026, 18:00 İrəvandakı tarixi Göy məsciddə müsəlman dini mərasimi ilə bir araya sığmayan tədbirin keçirilməsi vandalizmdir - QMİ 11-11-2026, 16:30 Prezident İlham Əliyev və birinci xanım Mehriban Əliyeva COP31-in Liderlər Sammitində iştirak ediblər 11-11-2026, 16:00 Xəzərin səviyyə tərəddüdləri və Günəş fəallığı, yeni tədqiqatlar 11-11-2026, 14:30
Köşə yazarları
Təqvim
«    Noyabr 2026    »
BeÇaÇCaCŞB
 1
2345678
9101112131415
16171819202122
23242526272829
30