FACT-INFO.AZ » SİYASƏT » Ermənistanın sülhpərvərliyi şübhə doğurur
15-09-2026, 17:00 | SİYASƏT
Ermənistanın sülhpərvərliyi şübhə doğurur

Azərbaycanda akkreditə olunmuş diplomatik korpusun Qarabağ və Şərqi Zəngəzura səfəri Ermənistanda ajiotaj yaradan bir hadisə olub. Bu səfərin İrəvanda yaratdığı isterik reaksiya ilk növbədə onu göstərir ki, sülh haqqında danışılanların hamısı Ermənistan cəmiyyətində və bəzi siyasi dairələrində heç də birmənalı qarşılanmır.


Bu səfər ölkəmizdə akreditasiya olunmuş diplomatik korpusun bölgəyə ilk səfəri deyil və aydın məsələdir ki, son səfəri də deyil. Bu səfərlər informativ xarakter daşımaqla yanaşı həm də Azərbaycanın ərazi bütövlüyünün bütün dövlətlər tərəfindən tanındığını və dəstəkləndiyini göstərir. Qarabağ Azərbaycan Respublikasının beynəlxalq səviyyədə tanınmış suveren ərazisidir və oralara kimin və nə üçün gedib – getməyəcəyi Azərbaycanın daxili işidir. Bu halda cəmiyyətdəki statusundan asılı olmayaraq hər hansı bir erməninin bu səfərə münasibət bildirməsi və hətta bunun hansısa bir şəkildə Ermənistana dəxli olması barədə narahtlıq ifadə olunması Azərbaycanın daxili işlərinə kobud müdaxilə olmaqla yanaşı, həm də Ermənistanın sülh danışıqlarından irəli gələn öhdəlikləri ilə ziddiyyət təşkil edir.


Belə görünür ki, İrəvanda yaşayanlar hələ də tarixin saxtalaşdırılması istiqamətində addımlar atmaq, gələcəkdə hansısa iddialar irəli sürmək üçün indidən "arxiv materialları" toplamağa çalışırlar. Erməni alimləri heç zaman öz tarixlərini tədqiq etməyiblər, onlar həmişə özlərinə saxta tarix uydurmağa cəhd göstəriblər. Onların "elmi" qənaətlərinə inansaq belə çıxır ki, onlar Yer kürəsinin hər bir bölgəsində və hamıdan əvvəl mövcud olublar. Bu mənada Qarabağ da onlar üçün istisna deyil. Ermənistan xalqımızın əsrlərlə yaşadığı Qarabağ torpaqlarında məscidləri, qəbiristanlıqları, tarixi yaşayış məntəqələrini və digər mədəni irsi sistemli şəkildə dağıdıblar. Erməni tarixçiləri Gəncəsər və Xudavəng kimi abidələri yalnız erməni irsi kimi təqdim etməyə çalışır, amma indiki Ermənistan ərazisində mövcud olmuş Azərbaycan tarixi-mədəni irsini tamamilə inkar edirlər. Belə təsəvvür yaradılır ki, guya Qarabağda tarixən yalnız ermənilər yaşayıb, ancaq Ermənistan ərazisində heç vaxt azərbaycanlı olmayıb. Məqsəd təkcə daşları yox etmək deyil, Azərbaycan xalqının həmin torpaqlardakı izlərini silməkdir. Qafqaz Albaniyası irsinə münasibət də bu siyasətin davamıdır. Dünya tarixşünaslığı Qafqaz Albaniyasının Azərbaycan ərazisində mövcudluğunu qəbul etdiyi halda, Ermənistan cəmiyyətində bu irsin inkar edilməsi faktiki olaraq tarixi həqiqətlərə qarşı dözümsüzlükdür. Bu isə beynəlxalq hüququn, o cümlədən 1954-cü il Haaqa Konvensiyasının və UNESCO prinsiplərinin kobud şəkildə pozulması deməkdir.


Azərbaycan beynəlxalq konvensiyalara əsasən hansı tarixi sivilizasiyaya mənsub olmasından asılı olmayaraq öz ərazisində yerləşən bütün tarixi və mədəni-dini abidələri dövlət səviyyəsində qoruyur. Erməni alimləri və siyasətçiləri isə özlərinin real tarixini öyrənmək və ona sahib çıxmaq əvəzinə özgələrinə məxsus tarixi-mədəni irsi özününküləşdirməklə tarixi saxtalaşdırmaq yolunu seçiblər. Ona görə də vaxtaşırı olaraq öz "qədimliklərini" və guya bir zamanlar az qala bütün dünyaya sahib olduqları haqda cəfəng bir mülahizəni öz cəmiyyətlərinə sırımağa və beyinləri yumağa davam edirlər. Belə bir yanaşma tarixin tədqiqi deyil, siyasi məqsədlə formalaşdırılan rasizm göstəricisidir.


Təəssüf doğuran başqa bir amil ondan iibarətdir ki, bəzi hallarda radikal və revanşist müxalifət tərəfindən irəli sürülən cəfəng mülahizələr hakimiyyət sahiblərinin də şüuruna yol tapır. Ermənistanın hökümət başçısı Paşinyanın "Real Ermənistan" ideyasına xəyanət edənlər vaxtaşırı revanşist dalğaya qoşulmaqla onları ruhlandırırlar.


Bu baxımdan Ermənistan parlamentinin sədri Ruben Rubinyanın 12–13 sentyabr 2022-ci il hadisələri ilə bağlı açıqlamaları və bu hadisələrin səbəbkarı olmuş təxribatçı millətçilərin xatirəsinin anılması məhz cəmiyyətə ötürülən mənfi siqnal kimi qiymətləndirilə bilər. Bu cür addımlar sülh prosesini sürətləndirmək əvəzinə, Ermənistan cəmiyyətində revanşist meyilləri daha da gücləndirməyə xidmət edir. Bu isə haqlı olaraq rəsmi İrəvanın sülh prosesindəki səmimiyyətinə şübhə doğurmaya bilməz.


Bu gün Qarabağ bölgəsinə diplomatik səfərə qarşı aparılan kampaniyanın koordinasiyalı olması barədə şübhələr erməni siyasətində sülh ritorikası ilə revanşist siyasətin paralel şəkildə mövcudluğunu göstərir.


Erməni cəmiyyəti anlamalıdır ki, Qarabağ və Şərqi Zəngəzur artıq mübahisə mövzusu deyil. Bu torpaqlar Azərbaycanın suveren idarəçiliyi altında yenidən qurulur və bölgəyə səfər edən diplomatlar yeni reallığı öz gözləri ilə yerində görürlər. Azərbaycanın Qarabağ bölgəsi də daxil olmaqla bütün əraziləri üzərində suverenliyi tarixi faktdır və heç kim və heç vaxt onu inkar etməyə nail olmayıb. Suverenliyimiz isə müzakirə mövzusu deyil, beynəlxalq hüququn təsdiq etdiyi dəyişməz reallıqdır.


Cavanşir Feyziyev


Milli Məclisin deputatı


15 sentyabr 2026-cı il



Baxış sayı: 170
Azərbaycan Avropanın enerji təhlükəsizliyinə və inkişaf gündəliyinə töhfə verən mühüm tərəfdaşdır Dünən, 17:00 “The Wall Street Journal”: İran müharibəyə rəğmən 2500-ə qədər raketə malikdir Dünən, 17:00 Prezident İlham Əliyev Mahmud Abbası təbrik edib Dünən, 16:30 “Keçmişdən sabaha yol kəlağayı” kitabı oxuculara təqdim olunub Dünən, 13:30 Yol polisi küləkli hava şəraiti ilə bağlı sürücülərə müraciət edib 14-11-2026, 18:00 Azərbaycan–Birləşmiş Krallıq əlaqələri: Etibarlı münasibətlərdən strateji tərəfdaşlığa 14-11-2026, 16:30 “Sabirin sözü, zamanın gözü” kitabının təqdimatı reallaşıb 14-11-2026, 16:30 Tələbələrin fotolarını süni intellektlə montaj edərək hədə-qorxu ilə pul tələb edən şəxs saxlanılıb 13-11-2026, 19:30 COP31-də növbəti tematik gün maliyyə və ticarət məsələlərinə həsr olunub 13-11-2026, 14:30 Media və Yayım Şurası açıqlama yayıb 13-11-2026, 14:30 Azərbaycan Prezidenti İlham Əliyev Dublində Böyük Britaniyanın Baş naziri ilə görüşüb 13-11-2026, 12:30 Qarabağ təbiətinin şəfa mənbəyi 13-11-2026, 11:30 Baş prokuror Binəqədi rayonunda vətəndaşların müraciətlərini dinləyəcək 13-11-2026, 11:30 Bakıda “Eternity-2026” təliminin açılışı olub 13-11-2026, 11:30 Prezident İlham Əliyev “Avropa Siyasi Birliyi”nin 9-cu Zirvə Toplantısı çərçivəsində dəyirmi masada iştirak edib 13-11-2026, 09:30 Bir əsrin işığında türkologiya 12-11-2026, 19:00 “Azercell” Gəncə və Xankəndidə 100 müəllimin süni intellekt bacarıqlarını inkişaf etdirib 12-11-2026, 18:30 12 noyabr – Konstitusiya Günü 12-11-2026, 18:30 Prezident İlham Əliyev “Avropa Siyasi Birliyi”nin 9-cu Zirvə Toplantısının açılış plenar sessiyasında iştirak edib 12-11-2026, 18:30 Prezident İlham Əliyev Dublində Volodimir Zelenski ilə görüşüb 12-11-2026, 16:00 Qərbi Azərbaycana həsr olunmuş kitab əcnəbi dildə nəşr edilib 12-11-2026, 11:00 Azərbaycanın təşəbbüsü ilə irəli sürülmüş itkin düşmüş şəxslərlə bağlı qətnamə BMT-nin Komitəsində qəbul edilib 12-11-2026, 10:00 “IRS-Naslediye” jurnalının yeni nömrəsi işıq üzü görüb 12-11-2026, 10:00 Birinci vitse-prezident Mehriban Əliyeva Konstitusiya Günü ilə bağlı paylaşım edib 12-11-2026, 09:30 G7 ölkələrinin XİN rəhbərləri Ukraynaya uzaqmənzilli silahların tədarükünü müzakirə ediblər 12-11-2026, 09:30 Mədəni və yaradıcı sənaye sahəsində qrant müsabiqəsi elan edilib 11-11-2026, 21:00 "Rəqəmsal Media Ayı" çərçivəsində növbəti təlim proqramına başlanılıb 11-11-2026, 18:00 İrəvandakı tarixi Göy məsciddə müsəlman dini mərasimi ilə bir araya sığmayan tədbirin keçirilməsi vandalizmdir - QMİ 11-11-2026, 16:30 Prezident İlham Əliyev və birinci xanım Mehriban Əliyeva COP31-in Liderlər Sammitində iştirak ediblər 11-11-2026, 16:00 Xəzərin səviyyə tərəddüdləri və Günəş fəallığı, yeni tədqiqatlar 11-11-2026, 14:30
Köşə yazarları
Təqvim
«    Noyabr 2026    »
BeÇaÇCaCŞB
 1
2345678
9101112131415
16171819202122
23242526272829
30