Bakı və İrəvan arasında sülh və əməkdaşlıq Azərbaycan və Cənubi Qafqaz üçün regional bağlantılar, ticarət, investisiya və rifah sahələrində yeni imkanlar açır.
Fact-info.az xəbər verir ki, bu barədə ABŞ-nin Azərbaycandakı səfirliyinin paylaşımında bildirilib.
Paylaşımda qeyd olunub ki, ABŞ-nin müvəqqəti işlər vəkili Emi Karlon Azərbaycan Xarici İşlər Nazirliyinin təşkilatçılığı ilə Xankəndi və Şuşaya (11-12 sentyabr- red.) səfər edib. Səfər çərçivəsində o, diplomatik korpusun digər nümayəndə heyəti rəhbərləri ilə birlikdə bölgənin mədəni irsi və iqtisadi inkişafı ilə yaxından tanış olub.
Bildirilib ki, E.Karlon Xankəndidə dəmir yolu və avtovağzal kompleksinə, mədəniyyət mərkəzinə, Zəfər Parkına, Xankəndi Stadionuna, Qarabağ Universitetinə və yerli tikiş fabrikinə baş çəkib. Şuşada isə yeni Şuşa məscidi, Aşağı Gövhər Ağa məscidi, Şuşa Mərkəzi Meydanı, Şuşa Yaradıcılıq Mərkəzi və tarixi Şuşa qala divarları da daxil olmaqla bir sıra mühüm məkanları ziyarət edib.
"Bu səfər sülh və əməkdaşlığın Azərbaycan və bütövlükdə Cənubi Qafqaz üçün regional bağlantılar, ticarət, investisiya və rifah sahələrində yeni imkanlar aça biləcəyini bir daha nümayiş etdirdi", - paylaşımda qeyd olunub.
Baxış sayı: 80
EU Council delegation visits Azerbaijan’s liberated territorie
President Ilham Aliyev's social media accounts shared post on ADEX 2026 exhibition
Leyla Aliyeva attends opening of exhibition of Azerbaijani carpets at Holy See
Representatives of Albanian-Udi Christian Community in Azerbaijan visit Khudavang Monastery Complex
New York hosts Nizami Ganjavi International Center’s 37th high-level meeting