“Ermənistanda 2015-ci ildə keçirilən referenduma əsasən parlamentar sistemə keçilib. 2018-ci ildə prezidentin səlahiyyət müddəti başa çatdıqdan sonra parlamentar sistem qüvvəyə minəcək və yeni hökumət parlamentdəki üstünlük tərəfindən təşkil olunacaq”.

Bunu Azadinform-a açıqlamasında  Türkiyədəki "Strategic Outlook" Araşdırmalar Mərkəzinin prezidenti Yusif Çinar deyib. O bildirib ki, bundan başqa, konstitusiyaya edilən dəyişikliklərə görə, önəmli  səlahiyyətləri baş nazirə keçən prezident də xalq tərəfindən deyil, 101 kürsüsü olan parlament tərəfindən seçiləcək: “Əslində Ermənistanın yeni parlament sistemi Türkiyədəki əvvəlki sistemə çox bənzəyir”. 

Çinarın fikrincə, Ermənistan gələcəkdə iki çətinliklə üzləşə bilər: birincisi, partiyalar koalisiya qurmaqda çətinlik çəkə bilər: “Koalisiyon hökumət icraetmə məsələsində çox da uğurlu olmaya bilər. Bununla əlaqədar olaraq Ermənistan yaxın zamanda qeyri-sabitlik yaşaya bilər”. 

Digər tərəfdən, Ermənistan parlamentar sistemə keçməzdən öncə müxalifət parlamentar sistem ilə tək partiyalı sistemin, yəni Sarkisyanın hegemonluğunun artacağını iddia etmişdi. O əlavə edib ki, aprelin 2-də keçirilən parlament seçkisinin nəticələrinə baxınca, ortaya sabit quruluşun çıxdığını söyləmək çətindir.