Fact-info.az xəbər verir ki, Ukrayna Silahlı Qüvvələrinin keçmiş baş komandanı Valeriy Zalujnı The New York Times-ın ABŞ-nin Ukrayna hərbi əməliyyatlarının planlaşdırılmasına fəal şəkildə cəlb olunduğu barədə məlumatını təsdiqləyib.

Zalujnı bildirib ki, 2022-ci ilin aprelində ABŞ-nin Avropa Komandanlığının qərargahında (Ştutqart, Almaniya) birgə komanda mərkəzi yaradılıb, sonradan isə o, Visbadenə köçürülüb.

Onun sözlərinə görə, həmin qərargahda əməliyyatların planlaşdırılması, simulyasiya oyunları, Ukrayna ordusunun ehtiyaclarının müəyyənləşdirilməsi və bu məlumatların Vaşinqtonla Avropa paytaxtlarına ötürülməsi həyata keçirilirdi. O, bu əməkdaşlıq platformasını Qərb tərəfdaşları ilə effektiv əlaqə vasitəsi adlandırıb.

Qeyd edək ki, Le Point jurnalının məlumatına görə, Zalujny gələcək prezident seçkilərində Vladimir Zelenskinin əsas rəqibi ola bilər.