Fact-info.az-ın məlumatına görə, A. Quliyev görüşü açaraq bildirib ki, Azərbaycan dövləti Ermənistan-Azərbaycan, Dağlıq Qarabağ münaqişəsinin ədalətli həlli üçün həm milli, həm də beynəlxalq müstəvidə öz fəaliyyətini gücləndirməkdə davam edir.
Şura sədri vurğulayıb ki, cənab Prezident İlham Əliyev QHT-lərə dövlət dəstəyinin əsas istiqamətlərini müəyyən edən zaman Dağlıq Qarabağ mövzusunu ən prioritet mövzu kimi təsdiq edib: "Məhz bunun nəticəsidir ki, bu mövzuda QHT-lər indiyədək Şuranın yardımı ilə ümumi maliyyə dəyəri 2 milyon 100 min manatdan artıq olan 141 layihə icra ediblər".
A. Quliyev bildirib ki, Şura beynəlxalq aləmdə Ermənistan-Azərbaycan, Dağlıq Qarabağ münaqişəsi ilə bağlı Azərbaycanın haqlı mövqeyini möhkəmləndirmək və Ermənistanın işğalçı mahiyyətini ifşa etmək məqsədilə xarici ölkə QHT-lərinə qrant müsabiqəsi elan edib və onların bu istiqamətdə layihə təkliflərini dəstəkləyib.
A. Quliyev şəhid ailələri və müharibə veteranlarının sosial qayğılarının həllinə ictimai dəstəyin daim gücləndirilməsində “Qarabağ” QHT Koalisiyasına daxil olan təşkilatların uğurlu fəaliyyətini vurğulayaraq deyib ki, indiyə qədər bu yöndə QHT-lərin təklif etdiyi bütün layihələr Şura tərəfindən dəstəklənib, heç bir təklif diqqətdən kənarda qalmayıb.
Azərbaycan hökumətinin şəhid ailələrinə, Qarabağ qazilərinə, onların ailələrinə diqqət və qayğısının təzahürü olan bu dəstəyin hər zaman davam edəcəyini söyləyən A. Quliyev "Qarabağ" QHT Koalisiyasının Resurs və İnformasiya Mərkəzinin yaradılması təklifinə Şurada baxılacağını bildirib.
Müzakirələrdə çıxış edən "Qarabağ" QHT Koalisiyasının sədri Vüqar Qədirov, QHT rəhbərləri Əkbər Qoşalı, Emin Həsənli, Faiq İsmayılov, Mətanət Cəfərova, Nazim Əhmədli, Radə Abbas, Venera Əsgərova, Anar Xəlilov, Almaz Zeynallı, Rey Kərimoğlu, Təhmasib Novruzov, İradə Polad, Əkrəm Bəydəmirli, Ədalət Məhərrəmov, Şahin Qədirov, Etimad Əsədov, Naibə Behbudova, Füzuli Rzaquliyev və başqaları layihələrin icrası və nəticələri ilə bağlı öz fikir və təkliflərini irəli sürdülər. Görüşdə “Qarabağ” QHT Koalisiyasının rəhbəri Vüqar Qədirov qurumun fəxri fərmanını Azay Quliyevə təqdim edərək Şura sədrinə əməkdaşlıq və dəstək üçün təşəkkürünü bildirib.
Baxış sayı: 2 326
Latvian ambassador congratulates Azerbaijan on successful completion of COP29
President Ilham Aliyev: Azerbaijan has created favorable conditions for lasting peace in the South Caucasus
“Missing Families of Karabakh” Public Union welcomes adoption of “Missing Persons” resolution by UN General Assembl
COP29 features panel discussion on “COP to COP Agrifood Legacies: A Key to Achieving Global Climate Goals”
Foreign Ministry comments on Fifth Opinion of Advisory Committee on Implementation of Council of Europe Framework Convention for Protection of National Minorities by Azerbaijan