O qeyd edib ki, Ermənistan vergi ödəyicilərinin hesabına varlanmaq istəyən qorxaq dəstəsi tərəfindən idarə edilir: “Ermənistan hər zaman müharibənin beynəlxalq qaydalarını, BMT Təhlükəsizlik Şurasının qətnamələrini pozub. Ermənistanın Azərbaycanla ATƏT çərçivəsində səmimi danışıqlar aparmaq cəsarəti yoxdur”.
Ekspert bildirib ki, beynəlxalq birlik Dağlıq Qarabağ münaqişəsinin həlli istiqamətində diqqətsizlik göstərir: “Dekabrın 29-da öldürülən Azərbaycan əsgərinin taleyi məsələsi BMT Baş Assambleyası və Avropa Şurasında həmin təşkilatların liderləri tərəfindən qaldırılmalıdır. Təəssüf ki, Azərbaycan ərazilərinin Ermənistan silahlı qüvvələri  tərəfindən işğalına gəldikdə beynəlxalq təşkilatlar susur”.
P. Teys vurğulayıb ki, ATƏT-in Minsk qrupunun həmsədrləri Ermənistanın diqqətinə  çatdırmalıdır ki, müharibənin qaydalarını yerinə yetirməyə ehtiyac var: “Hesab edirəm ki, Avropa İttifaqı tərəfindən Ermənistana iqtisadi sanksiyaların tətbiq edilməsi Dağlıq Qarabağ münaqişəsinin həllinə kömək edə bilər. Beynəlxalq təzyiq olmadan Ermənistan beynəlxalq hüququ pozmaqda və regional iqtisadi inteqrasiyaya mane olmaqda davam edəcək”.