Azərbaycan Respublikasının müstəqilliyinin möhkəmləndirilməsində zəruri və müstəsna xidmətləri olan insanlardan biri də ictimai xadim, VKC Karate Federasiyasının Fəxri Prezidenti Elnur Ədalət oğlu Abasovdur. Elnur bəy orta məktəbi bitirdikdən sonra 2000-2001-ci illərdə Azərbaycan Respublikasının Silahlı Qüvvələrində həqiqi hərbi xidmətdə olmuşdur.

Hərbi xidmətini başa vurduqdan sonra 2002-ci ildə ali təhsilini RF Sankt-Peterburq Dövlət Aerokosmik Cihazqayırma Universitetinin hüqüq fakultəsinə daxil olmaqla davam etdirmiş, 2007-ci ildə həmin universitetdən məzun olmuşdur.

Abasov Elnur idmanın VKC növləri üzrə Karate Federasiyasının məşqçisi kimi fəaliyyət göstərmişdir. 2006-cı ildən isə,həmin Federasiyanın Fəxri Prezidenti vəzifəsində çalışır.2019-cu ildə Azərbaycan Respublikası Gənclər və İdman Naziri Azad Rəhimovun əmrinə əsasən "Azərbaycan Respublikasının İdman Ustası" adına layiq görülmüşdür.

2008-ci ildən "Xocalı Soyqırımını  Tanıtma”İctimai Birliyinin üzvüdür, 2009-cu ildən isə bir müddət həmin Birliyin sədr müavini vəzifəsində çalışmışdır. Sədr müavini vəzifəsində çalışdığı müddətdə ictimai məsələlərdə könüllü xidmət göstərmişdir. Dövlət və cəmiyyət üçün əhəmiyyət kəsb edən məsələlərə dair qeyri-hökumət təşkilatlarının irəli sürdükləri təşəbbüslərin,proqram və layihələrin yerinə yetirilməsi,habelə qeyri-hökumət təşkilatlarının beynəlxalq əməkdaşlıq əlaqələrinin inkişaf etdirilməsi sahəsində əlindən gələn dəstəyi əsirgəməmişdir.

O, Xocalı həqiqətlərinin dünyaya çatdırılması, beynəlxalq aləmdə yayılması,eləcə də bu soyqırıma obyektiv qiymət verilməsi istiqamətində davamlı olaraq addımlar atıb.   

Ümumiyyətlə,Elnur Abasov çıxışları zamanı Ulu Öndər Heydər Əliyevin deyimlərindən biri olan “Mən Fəxr Edirəm ki, mən AZƏRBAYCANLIYAM!” ifadəsini dəfələrlə səsləndirmişdir.

O, Azərbaycan Respublikasının ərazi bütövlüyünün bərpası uğrunda, düzgün strategiya və düşünülmüş məqsədyönlü siyasət nəticəsində gedən 44 günlük “Vətən müharibəsi” dövründə arxa cəbhədə Azərbaycan Ordusuna maddi və mənəvi dəstək göstərmişdir.Eyni zamanda müharibə dövründə hər zaman ordumuzda vuruşan əsgərlərimizin ruh yüksəkliyini və onların rifahını düşünərək əlindən gələn qayğı və dəstəyini əsirgəməmişdir.

Eyniliklə Abasov Elnur Ədalət oğluna nəinki, Azərbaycanda, həm də qardaş ölkə olan Türkiyədə fəaliyyət göstərən bir çox Qeyri-Hökumət Təşkilatları və sayt rəhbərləri tərəfindən hədsiz hörmət və ehtiram göstərilir.

Elnur Abasov Azərbaycan Respublikasının, Azərbaycan xalqının aparıcı qüvvəsi, Heydər Əliyev davamçısı olan, Azərbaycan Respublikasının Ali Baş Komandanı İlham Əliyev dəstəkçisidir.

2024- cü il 7 fevral tarixində növbədənkənar keçirilən Prezident seçkiləri zamanı səs verdikdən sonra, özünə aid rəsmi instaqram səhifəsində belə bir paylaşımı etmişdir:-

“Səsimi haqq səsimizə çevirənə,dünyaya bəyan edənə verdim!

Səsimi nöqtəni nida edənə verdim!

Səsimi Azərbaycanı bütöv edənə verdim!

Səsimi hər bir Azərbaycanlının Prezidentinə verdim!

Səsimi Böyük Qayıdışın Müəllifinə verdim!

Səsimi Ata vəsiyyətini yerinə yetirənə verdim!

Səsimi Millətin Qürurunu Dirçəldənə verdim!

Səsimi Xocalıya Ədaləti gətirənə verdim!

Səsimi Müqəddəs Torpaqlarda Azan səsini dinlətdirənə verdim!

Səsimi sabahı xoşbəxt AZƏRBAYCANA Verdim!

Sonsuzadək İLHAM ƏLİYEVLƏ İRƏLİ !”

Bununla yanaşı Abasov Elnur Ədalət oğlu Azərbaycan Respublikasının bütöv bir yumruq altında birləşməsinin,xalqın qürurunun dirçəlməsinin nəhayətində nöqtəni Nida edənin əsas qəhrəmanın İlham Əliyev olduğunu zaman-zaman dərc etdiyi  məqalələrində dəfələrlə vurğulamışdır.

“Xocalı Soyqırımını Tanıtma” ictimai birliyinin həmtəsisçisi, müharibə veteranı, jurnalist: Şamil Sabiroğlu (Ələkbərli)