Bu gün tanınmış din xadimi, ilahiyyatçı alim Hacı Şahin Həsənlinin vəfatından bir il ötdü. O, ötən ilin mart ayının 2-də 48 yaşında ürəktutmasından dünyasını dəyişdi. Hər bir elmli, imanlı insanın dünyadan köçməsi cəmiyyət, üçün, millət üçün itkidir. Hacı Şahin Həsənli cəsarətli çıxışları, elmi mülahizələri, səmimi davranışı ilə islami dəyərləri böyük auditoriyaya çatdırırdı, sevdirirdi.

Etiraf etmək lazımdır ki, dini savadsızlıq neqativlərə, bəzən fəlakətlərə yol açır. Məhz cəmiyyətdə belə boşluqları qisməndə olsa Hacı Şahin və digər elmli din adamlarının çıxışları doldura bilirdi. Öncə İslamın mahiyyətini dərk edə bilməyən insanlar, sonradan onun çıxışlarından xeyli maariflənirdilər. O, dini maarifçilik işi aparmaqla bərabər, cəmiyyətdə vətənpərvərlik ruhunun yüksəlməsinə öz töhfəsini verirdi. Bu gün biz onu yalnız ehtiramla, rəhmətlə anırıq. 

Fact-info.az