FACT-INFO.AZ » QHT » Moldovalı deputat: Xocalıda mülki şəxslərə silahlı hücum bəşəriyyətin qəlbində əbədi yara buraxıb
27-02-2024, 09:30 | QHT
Moldovalı deputat: Xocalıda mülki şəxslərə silahlı hücum bəşəriyyətin qəlbində əbədi yara buraxıb

Fevralın 26-da Moldovanın paytaxtı Kişineuda Xocalı soyqırımının 32-ci ildönümünə həsr olunmuş tədbir keçirilib.

Fact-info.az xəbər verir ki, Azərbaycanın Moldovadakı səfirliyi və Moldova Azərbaycanlıları Konqresinin birgə təşkilatçılığı ilə keçirilən tədbirdə Moldovanın rəsmi şəxsləri, ictimai-siyasi xadimlər, Moldovada akkreditə olunmuş diplomatik missiyaların nümayəndələri, Azərbaycan diasporunun fəalları və KİV nümayəndələri iştirak ediblər.

Tədbir şəhidlərin xatirəsinin bir dəqiqəlik sükutla yad edilməsi ilə başlayıb. Sonra iştirakçılara Xocalı soyqırımı şahidinin 1992-ci ildə Azərbaycanın Xocalı şəhərində baş vermiş amansız və acımasız hadisələrdən bəhs edən müsahibəsi nümayiş olunub.

Azərbaycanın Moldovadakı səfiri Ülvi Baxşəliyev çıxış edərək bildirib ki, Ermənistanın Azərbaycana silahlı təcavüzü zamanı dinc əhalinin vəhşicəsinə qətlə yetirilməsi soyqırımı aktıdır. Səfir qeyd edib ki, Heydər Əliyev Fondunun vitse-prezidenti Leyla Əliyevanın təşəbbüsü ilə 2008-ci ildə başlayan “Xocalıya ədalət” beynəlxalq kampaniyası vasitəsilə bu qanlı hadisə haqqında həqiqətlər dünya ictimaiyyətinə çatdırılır. Diplomat çıxışı zamanı soyqırımının beynəlxalq aləmdə tanınmasının vacibliyini qeyd edərək, İslam Əməkdaşlıq Təşkilatı Parlament İttifaqının, Meksika, Pakistan, İndoneziya, Kolumbiya, Panama, Paraqvay, Honduras, Əfqanıstan, Qvatemala və Cibuti parlamentlərinin Xocalı qətliamını soyqırımı aktı kimi təsdiqlədiyini qeyd edib.

Azərbaycanın səfiri Müzəffər Ali Baş Komandan İlham Əliyevin rəhbərliyi ilə işğaldan azad edilən Xocalıda ilk dəfə olaraq şəhidlərin xatirəsinin ehtiramla yad edildiyini diqqətə çatdırıb.

Moldova Respublikası Parlamentinin deputatı, Moldova-Azərbaycan Parlament Dostluq Qrupunun sədri Vitali Jakot Xocalıda baş vermiş faciəli hadisələrin Azərbaycan xalqı üçün ağır sınaq olduğunu qeyd edib. Həmçinin günahsız insanların, qadınların, uşaqların, qocaların vəhşicəsinə təcavüzə məruz qaldığını bildirib. Deputat onu da qeyd edib ki, bu amansız hücum qurbanlara nəinki dözülməz iztirablar gətirdi, hətta bəşəriyyətin qəlbində əbədi yara buraxdı. Vitali Jakot Azərbaycan Respublikası üçün bu ağır zamanda Moldova Respublikasının Azərbaycan xalqının dərdinə şərik olduğunu, mənəvi dəstək və humanitar yardım göstərdiyini də vurğulayıb, həmçinin faciənin beynəlxalq aləmdə qınanmasına dəstək verilməsini müdafiə edib və lazımi araşdırmanın aparılmasına çağırıb.

“Sonda qeyd etmək istərdim ki, fevralın 7-də keçirilən növbədənkənar prezident seçkiləri zamanı mən ilk dəfə Xankəndidə olmuşam, həmçinin Azərbaycanda keçirilən seçkiləri müşahidə etmək üzrə parlament missiyasının rəhbəri idim. Mədəniyyət paytaxtı Şuşa və Xankəndinə gedən yolda Xocalıdan keçdik, bu faciənin baş verdiyi yerə baş çəkmək imkanım oldu”, - deyə Vitali Jakot çıxışında vurğulayıb.

Millətlərarası Münasibətlər Agentliyinin direktor müavini Nikolae Raditsa isə bildirib ki, Moldova Respublikası mülki şəxslərə qarşı təcavüz aktlarını pisləyir.

Moldova Azərbaycanlıları Konqresinin sədri Elçin Bayramov qeyd edib ki, Xocalı faciəsi Azərbaycan tarixinin qanlı səhifəsidir. E.Bayramov erməni işğalından azad edilmiş rayonlarda, həmçinin Xocalıda aparılan genişmiqyaslı quruculuq və bərpa işləri barədə də məlumat verib.

Moldova Azərbaycanlıları Konqresinin üzvü Maarif Rəhimov Xocalı hadisələrinin amansızlığından danışıb, günahsız insanların yalnız azərbaycanlı olduqları üçün qətlə yetirildiyini qeyd edib.

Tədbir çərçivəsində Xocalıda baş vermiş faciəyə həsr olunmuş fotosərgi açılıb.




Baxış sayı: 100
Fon der Lyayen: Avropa Ukrayna ilə bağlı sülh danışıqlarında iştirak edəcək Bu gün, 10:30 Azərbaycan filmi Haaqa Beynəlxalq Film Festivalının qalibi olub Bu gün, 09:30 Prezidentin Mətbuat Xidmətinin məlumatı Bu gün, 08:00 Vətən Müharibəsi Qəhrəmanı Zaur Nudirəliyevin xatirəsi anılıb Bu gün, 08:00 Azərbaycan Avropanın enerji təhlükəsizliyinə və inkişaf gündəliyinə töhfə verən mühüm tərəfdaşdır Dünən, 17:00 “The Wall Street Journal”: İran müharibəyə rəğmən 2500-ə qədər raketə malikdir Dünən, 17:00 Prezident İlham Əliyev Mahmud Abbası təbrik edib Dünən, 16:30 “Keçmişdən sabaha yol kəlağayı” kitabı oxuculara təqdim olunub Dünən, 13:30 Yol polisi küləkli hava şəraiti ilə bağlı sürücülərə müraciət edib 14-11-2026, 18:00 Azərbaycan–Birləşmiş Krallıq əlaqələri: Etibarlı münasibətlərdən strateji tərəfdaşlığa 14-11-2026, 16:30 “Sabirin sözü, zamanın gözü” kitabının təqdimatı reallaşıb 14-11-2026, 16:30 Tələbələrin fotolarını süni intellektlə montaj edərək hədə-qorxu ilə pul tələb edən şəxs saxlanılıb 13-11-2026, 19:30 COP31-də növbəti tematik gün maliyyə və ticarət məsələlərinə həsr olunub 13-11-2026, 14:30 Media və Yayım Şurası açıqlama yayıb 13-11-2026, 14:30 Azərbaycan Prezidenti İlham Əliyev Dublində Böyük Britaniyanın Baş naziri ilə görüşüb 13-11-2026, 12:30 Qarabağ təbiətinin şəfa mənbəyi 13-11-2026, 11:30 Baş prokuror Binəqədi rayonunda vətəndaşların müraciətlərini dinləyəcək 13-11-2026, 11:30 Bakıda “Eternity-2026” təliminin açılışı olub 13-11-2026, 11:30 Prezident İlham Əliyev “Avropa Siyasi Birliyi”nin 9-cu Zirvə Toplantısı çərçivəsində dəyirmi masada iştirak edib 13-11-2026, 09:30 Bir əsrin işığında türkologiya 12-11-2026, 19:00 “Azercell” Gəncə və Xankəndidə 100 müəllimin süni intellekt bacarıqlarını inkişaf etdirib 12-11-2026, 18:30 12 noyabr – Konstitusiya Günü 12-11-2026, 18:30 Prezident İlham Əliyev “Avropa Siyasi Birliyi”nin 9-cu Zirvə Toplantısının açılış plenar sessiyasında iştirak edib 12-11-2026, 18:30 Prezident İlham Əliyev Dublində Volodimir Zelenski ilə görüşüb 12-11-2026, 16:00 Qərbi Azərbaycana həsr olunmuş kitab əcnəbi dildə nəşr edilib 12-11-2026, 11:00 Azərbaycanın təşəbbüsü ilə irəli sürülmüş itkin düşmüş şəxslərlə bağlı qətnamə BMT-nin Komitəsində qəbul edilib 12-11-2026, 10:00 “IRS-Naslediye” jurnalının yeni nömrəsi işıq üzü görüb 12-11-2026, 10:00 Birinci vitse-prezident Mehriban Əliyeva Konstitusiya Günü ilə bağlı paylaşım edib 12-11-2026, 09:30 G7 ölkələrinin XİN rəhbərləri Ukraynaya uzaqmənzilli silahların tədarükünü müzakirə ediblər 12-11-2026, 09:30 Mədəni və yaradıcı sənaye sahəsində qrant müsabiqəsi elan edilib 11-11-2026, 21:00
Köşə yazarları
Təqvim
«    Noyabr 2026    »
BeÇaÇCaCŞB
 1
2345678
9101112131415
16171819202122
23242526272829
30