QHT və media təmsilçiləri cəbhə bölgəsindəki “N” saylı hərbi hissənin zabit və əsgərlərilə görüşdülər. Xalqımızın milli bayramı-Novruz bayramına həsr edilən tədbiri şair, bədii qiraət ustası Elşən Sabiroğlu və istedadlı müğənni, “Ozan” mükafatı laureatı Zeynəb Məmmədzadə açdı. Tədbirdə “Xocalı Soyqırımını Tanıtma” ictimai birliyinin sədri, Ana harayı” qəzetinin baş redaktoru Şamil Sabiroğlu və “Yeni Yurd” Sosial İnkişaf ictimai birliyinin sədri Mahirə xanım Əsədova, 20 Yanvar Cəmiyyəti sədrinin I müavini, Azərbaycan Respublikasının Prezidenti tərfindən müxtəlif mükafatlara layiq görülmüş Mustafa Əliyev, Respublika “Əsgər Ailəsi” Cəmiyyətinin sədri, ehtiyatda olan baş leytenant, jurnalist Roza Əliqızı (Hüseynova), “Sosial Rifah və Tədqiqatlar” ictimai birliyinin sədri, “fact-info.az” saytının baş redaktoru Əkrəm Bəydəmirli, “Xebertv.az” saytının rəhbəri,"Ana harayı" qəzetinin şöbə müdiri, müharibə veteranı Əvəz Almədətov, Beyləqan rayonunun tanınmış ziyalılarından biri, “Xocalı Soyqırımını Tanıtma” ictmai birliyinin fəal üzvü Asif Quliyev, “Beyləqan Gənclərinin Maarifləndirilməsi və Sosial İnkişaf” ictimai birliyinin sədri Zaur Quliyev və başqaları çıxış etdilər. Əsgərlərimiz qarşısında şairə Zeynəb Şahidqızı, Dilbər Sultan, Mustafa Əliyev və başqaları Vətənə, torpağa və Azərbaycan əsgərinə həsr olunan şeirlər söylədilər. Səslənən musiqi sədaları, milli ruhlu mahnılar əsgərlərimizlə coşqulu görüşlər əsl bayram əhavalı yaşatdı.