Fact-info.az məlumatına görə, bu fikirləri AZƏRTAC-a açıqlamasında Milli Məclisin deputatı Nəsib Məhəməliyev vurğulayıb.
“Fransa dövlətinin BMT kimi mötəbər beynəlxalq təşkilatda Azərbaycana məğlub olmasının əsas səbəbi Prezident İlham Əliyevin şəxsi nüfuzu və apardığı çoxvektorlu xarici siyasət kursudur. Belə ki, Qoşulmama Hərəkatında effektiv sədrliyimiz, Avropa İttifaqının enerji təhlükəsizliyində əhəmiyyətli rolumuz, ikitərəfli və çoxtərəfli münasibətlərdə etibarlı müttəfiqliyimiz, hər zaman ədalətin yanında olmağımız dünya ölkələri arasında dostlarımızın sayının artması ilə nəticələnib”, - deyə deputat bildirib.
Bir çox güclü ölkələr arasında dostlarımızın, müttəfiqlərimizin kifayət qədər olduğunu diqqətə çatdıran Nəsib Məhəməliyev deyib: “Onların hər biri Azərbaycanla iqtisadi, siyasi, mədəni münasibətlərin qurulmasında maraqlıdır və ölkəmiz hər zaman əməkdaşlığa açıqdır. O cümlədən Fransa ilə məhsuldar əməkdaşlıq münasibətləri qurulub. Əfsuslar olsun ki, bu ölkənin siyasi isteblişmentinin qeyri-praqmatik davranışları nəticəsində əlaqələr zədələnib”.
Nəsib Məhəməliyev əlavə edib ki, erməni diasporunun, onlara lobbiçilik edən qüvvələrin fəaliyyəti beynəlxalq hüququn norma və prinsiplərinin kobud şəkildə pozulması ilə yanaşı, iqtisadi baxımdan bu ölkənin ziyanına işləyib. Onun BMT TŞ-də və Frankofoniyada istədiyi qətnamələri qəbul etdirə bilməməsi isə siyasi baxımdan nüfuzunu zədələyib.
“Fransa məğlubiyyətə baxmayaraq, təxribatlarını davam etdirəcək. Söhbət təkcə Ermənistandan getmir. Fransa Ermənistanı öz geosiyasi maraqları üçün Türkiyə və Azərbaycan əleyhinə alət olaraq istifadə edir. Ona görə də siyasətimizi qurarkən bu amilləri nəzərə almalıyıq”, - deyə deputat vurğulayıb.
Baxış sayı: 340
From Shavkat Mirziyoyev, President of the Republic of Uzbekistan
Azerbaijan’s cultural heritage showcased at festival in South Korea
Media and Broadcasting Council urges media to cite official sources in reports on President
Two books on Yerevan’s history added to US Library of Congress catalogue
Farid Shafiyev: Azerbaijan proved that peace is achievable through direct talks with Armenia

