Bu barədə bazar ertəsi Türkiyə Prezident Administrasiyasının kommunikasiya şöbəsinin rəhbəri Fəxrəddin Altun məlumat verib.

“Qərb müttəfiqlərimiz terrorçulara öz dəstəkləri haqqında diqqətlə və hərtərəfli düşünməlidirlər. Onlar birbaşa və ya dolayı yolla ölkəmizdə sabitliyi pozmağa çalışırlar. Və onların dəstəyi günahsız türklərin ölümüylə nəticələnir.”, – o, “Twitter” səhifəsində yazıb.

Altun bəzi terror təşkilatlarının digərləri ilə mübarizə aparması kimi Qərbin arqumentini də əsassız adlandırıb.

“Onların belə dəstəyi təmin etmək üçün strateji arqumentləri əsassızdır. Bu, terrorizmlə mübarizə yolu deyil. Siz başqa terrorçuların əli ilə terrorçulara qarşı mübarizə apara bilməzsiniz. Siz bunu yalnız terrorla mübarizədə öz öhdəliklərinə sadiq olan ölkələrin ittifaqı ilə edə bilərsiniz”, – deyə o bildirib.