ABŞ Konqresi üzvləri və Bayden administrasiyasına ünvanlanmış müraciətlərdə deyilir ki, sentyabrın 12-də Ermənistan silahlı qüvvələrinin bölmələri Ermənistan Respublikası ilə həmsərhəd olan Gədəbəy, Daşkəsən, Kəlbəcər və Laçın rayonları ərazisindəki Azərbaycan ordusunun mövqelərini intensiv atəşə tutmağa başlayıb. Qeyd olunur ki, bir neçə gün əvvəl Avropa İttifaqı Şurasının Prezident Şarl Mişel Ermənistan və Azərbaycan arasında sülh sazişinin imzalanması istiqamətində konkret addımları müzakirə etmək və yekunlaşdırmaq üçün Brüsseldə baş nazir Nikol Paşinyan və Prezident İlham Əliyevlə üçtərəfli görüş keçirib. Prezident Ş. Mişel görüş zamanı baş tutan “mübadilələri açıq və konstruktiv” adlandırıb. Bildirilir ki, eyni zamanda, sentyabrın 12-də İsrail və Azərbaycan bəyan ediblər ki, Avropaya təbii qaz təminatını 10-30 faiz artıracaqlar.

Lakin təəccüblü deyil ki, Vladivostok forumundan Yerevana qayıdan Nikol Paşinyan Brüsseldə əldə edilən pozitiv nəticələri rədd edib və Ermənistan qoşunları Avropaya gedən neft və qaz kəmərlərinin keçdiyi əraziyə yaxın yerləşən Azərbaycan mövqelərini atəşə tutmağa başlayıblar. Müraciətdə, həmçinin deyilir ki, ötən illərdən Azərbaycan Avropanın enerji təhlükəsizliyinə böyük töhfə verir. Həmçinin Vaşinqtonun Avropadakı müttəfiqlərinə bu önəmli yardımın qarşısını almaq üçün Ermənistan müəyyən tərəflərin dəstəyi ilə dəfələrlə “qabaqcıl zərbələr” vurmaqla və Azərbaycana “böyük ziyan vurmaqla”, o cümlədən ölkədə Qərb şirkətləri tərəfindən idarə olunan neft və qaz infrastrukturunu vurmaqla rəsmi Bakını hədələyib. Vurğulanır ki, BMT Nizamnaməsinin 51-ci maddəsinə uyğun olaraq, Azərbaycan ordusu Ermənistanın son silahlı təxribatlarına çevik reaksiya verib və düşməni neytrallaşdırıb. Buna baxmayaraq, Ermənistanın törətdiyi silahlı təcavüzü pisləmək çox vacibdir.

Qeyd olunur ki, Bayden Administrasiyası rəsmi Yerevana təzyiq göstərməli, ondan beynəlxalq hüquq normalarına uyğun hərəkət etməsini və Azərbaycana qarşı hücumlarının dayandırmasını tələb etməlidir. Bildirilir ki, ABŞ öz tərəfdaşlarının təhlükəsizliyini, Cənubi Qafqazdakı milli maraqlarını qorumalıdır.