Axund Hacı Kamran Nəcəfov şəhid ailələrini, qaziləri salamladı. Şəhidin qurandakı tərifindən danışdı: “Şəhid sözü ərəbcə bir kəlmədir. Bu kəlmənin mənası çox böyükdür. Mənası öz gözləri ilə görən, şahidlik edən deməkdir. Bu söz Quranda 50 yerdə keçir. Deyirlər cənnət anaların ayağının altındadır, bəli cənnətin bütün qapıları şəhidləri böyüdən, onları tərbiyə edən analara açıq olacaq.”

İlahiyyatçı alim Hacı Eldayaq Hüseynov dini kəlamlardan söhbət açdı:

– Müqəddəs kitabımızdan olan “Qurani-Kərim”də də belə deyilir: “Hamısıah yolunda öldürülənlərə ölü deməyin, onlar ölü deyil, diridirlər”. Şəhid sözünün Hamısıah yolunda canından keçən mənası da var ki, bu Hz. Peyğəmbər (s.a.v) tərəfindən işlədilmişdir: “Mən onların (şəhidlərin) Hamısıah yolunda canlarından keçdiklərinə şahid və şəfaətçiyəm”. Onlar bütün insanlığa örnək olacaq həyat yaşadı və əbədiyyətə qovuşmuş ömür qazandı. Gələcək nəsillərə onun haqqında fəxrlə danışa biləcəyimiz bir ömür. Hamısıah cəmi şəhidlərimizə rəhmət eləsin!                                                                         Dövlət qulluqçusu Elvin Dadaşov 44 günlük Zəfər tarixindən danışdı. “Həm birinci həm də ikinci Qarabağ müharibəsində oğullarımız Vətəni canları bahasına qorudular. Bu yolda şəhidlərimiz də oldu, müharibənin ağrı-acısını bədənində daşıyan qazilərimiz də. O igidlər ki, 30 illik işğala 44 gündə son qoydu  Vətənin köksündəki Qarabağ yarasını sağaltdı. Onun müqəddəs ruhu qarşısında baş əyirəm.”

Tədbirdə Azərbaycan Ordusunun mayoru şəhid Taleh Kərimovun həyat yoldaşı, Sumqayıt şəhər şəhid və qazi ailələrinin problemləri üzrə icra nümayəndəsi Nəzakət İsmayılova, şəhid kəşfiyyatçı kursant zabit Vüsal Muradovun anası Kəmalə Muradova, polkovnik-leytenant   şəhid  Quliyev Rəşadın anası Mətanət Quliyeva, gizir şəhid Elmar Nəsibovun anası Sürəyya  Mehdiyeva  əhid kəşfiyyatçı Nadir Rzayevin anası Aynur Rzayeva, Quba rayonunda yaşayan şəhid əsgər Eynulla Abdullayevin anası Tahirə Abdullayeva, Qax şəhərində yaşayan şəhid XTQ-nin çavuşu Ramil Abbasovun anası Aidə Abbasova, şəhid kəşfiyyatçı Təbriz Almmədovun anası Gülnarə Almmədova, I Qarabağ müharibəsinin könüllü döyüşçüsü Abbas Şahverdiyevin ömür-gün yoldaşı Rəmziyyə Şahverdiyeva    çıxışlarında şəhid anaları, ailələri adından bu cür tədbirlərin mütamadə keçirilməsində hər zaman şəhid ailələrini diqqətdə saxlayan General-mayor Hilal Nəcəfova və tədbirdə əməyi, zəhməti keçən hər kəsə şəxsi minnətdarlığını bildirdilər.  Tədbirdə iştirak edən Vətən qaziləri hər zaman Vətəninin keşiyində durmağı, xalqını qorumağı özlərinə borc olaraq bildirdilır. Ali Baş Komandan bu gün hucum əmrini versə torpaqlarımız üçün vuruşmağa hazırıq.

General-mayor Hilal Nəcəfov tədbir haqqında fikirlərini “XeberTıme.az” analitik informasiya portalına bildirdi:

– Yeganə xanım biz iki əsrin lideri olan cənab İlham Əliyevin yürütdüyü hərbi siyasətini dəstəkləyirik və hər zaman onun arxasındayıq. Ölkəmizin əldə etdiyi bütün uğurlar prezident İlham Əliyev düşünülmüş, uzaqgörən daxili və xarici siyasətinin nəticəsidir.

Diqqət və qayğımızı şəhid ailələrini və sağlamlığını Vətən, torpaq yolunda itirmiş qaziləri diqqətdə saxlayırıq. Ali Baş Komandanının yürütdüyü daxili siyasət bizi qələbəyə aparan milli birliyimizin formalaşmasına səbəb oldu. Və biz bu birliyi davam edərək qoruyub saxlamalıyıq.

Əsas məqsədimiz müxtəlif rayonlarda, ucqar kəndlərdə, şəhərdə yaşayan şəhid ailələrini və qaziləri bir araya toplamaq onların könlün xoş etməkdir. Hamısıah bütün şəhidlərimizə rəhmət eləsin, şəhid ailələrinə səbr, qazilərimizə can sağlığı versin.

Böyük qələbə ilə nəticələnmiş Vətən müharibəsi, torpaqlarımızın azadlığı uğrunda şəhadətə ucalan qəhərəmanları unutmamalıyıq! Hər bir döyüşçümüz, zabit və əsgərimiz bizim üçün dəyərlidir.

Tədbirin sonunda xatirə şəkilləri çəkildi.

Yeganə Telmanqızı               
“XeberTıme.az”