Rusiya ilə Ukrayna arasında münaqişələr hələ də davam edərkən, Ukrayna prezidenti Zelenski son açıqlamasında diqqəti Zaporojye Atom Elektrik Stansiyasına çəkib.

Elektrik stansiyasının ətrafının Rusiya ordusu tərəfindən davamlı olaraq bombalandığını bildirən Zelenski bildirib ki, Rusiya Zaporojye Atom Elektrik Stansiyasında və ətrafında təxribat xarakterli hərəkətlərini davam etdirir:

“İşğalçılar stansiyanı qorumaq bəhanəsi ilə yaxınlıqdakı şəhərləri bombalamağa davam edir. Rusiya öz döyüş sursatı və avadanlıqlarını faktiki elektrik stansiyasının anbarlarında gizlədir. Bu, Avropa İttifaqının və daha 15 ölkənin təhlükəsizlik tələblərini rədd etdiyini göstərir”.

Zelenski bu tələbləri göndərən ölkələr arasında ABŞ, Kanada, Avstraliya, Gürcüstan, Türkiyə, İngiltərə və Cənubi Koreyanın olduğunu qeyd edib.

Beynəlxalq Atom Enerjisi Agentliyi, Birləşmiş Millətlər Təşkilatı və 7 böyük ölkənin xarici işlər nazirlərinin Rusiyanı hərəkətlərini dayandırmağa çağırmağı vacib bilən Zelenski Rusiyanı terror dövləti adlandırıb: “Bütün rus əsgərləri qeyd-şərtsiz elektrik stansiyasının yaxınlığından və bölgədən geri çəkilməlidir”.