FACT-INFO.AZ » XƏBƏR » Fazil Mustafa: Prezident İlham Əliyevin son açıqlamaları tarixi-strateji əhəmiyyətə malikdir
14-08-2022, 10:20 | XƏBƏR
Fazil Mustafa: Prezident İlham Əliyevin son açıqlamaları tarixi-strateji əhəmiyyətə malikdir

İlk növbədə, Azərbaycan cəmiyyətinə açıq, real vəziyyətin təsviri təqdim olundu. Bildirildi ki, dünyada ciddi ərzaq böhranı yaşanır və Azərbaycanın əsas hədəfi həm taxıl qıtlığını aradan qaldırmaq, həm də yüz faiz təmin edə biləcəyi, vacib ərzaq məhsullarının ölkəmizdə istehsal olunması prosesini tənzimləməkdir. Digər vacib məsələlərdən biri işğal zamanı susuz, istifadəsiz qalmış, ermənilər tərəfindən hərbi məsələlər üçün istifadə olunmuş torpaqlarımızın yenidən becərilmə üçün əlverişli vəziyyətə gətirilməsi prosesini Azərbaycanın həyata keçirməsidir. Bunların hamısı həm də Azərbaycanın dünyada baş verən proseslərə daha hazırlıqlı çıxmasını təmin edir.

Bunu AZƏRTAC-a açıqlamasında Milli Məclisin deputatı Fazil Mustafa söyləyib.

Deputatın sözlərinə görə, Prezident İlham Əliyevin müsahibəsindəki ən mühüm məsələlərdən biri Ermənistanla bağlı vəziyyətin gündəmə gətirilməsidir. Gələcəkdə Azərbaycanı gözləyən danışıqlarda, əslində, ölkəmizin hansı mövqeyi tutacağı bu açıqlamada birmənalı şəkildə özünü göstərdi. Birinci növbədə, Qarabağ ermənilərinə status verilməyəcək, onların yeganə yolu Azərbaycan vətəndaşlığını qəbul etməkdən keçir. Onların Azərbaycana qarşı hər hansı şəkildə addımının qarşısı alınacaq. Necə ki, dövlətimizin başçısının vurğuladığı kimi, “Qisas” əməliyyatında kiçik bir epizodla “dəmir yumruğ”un yerində olduğu onlara yenidən göstərildi.

“Ermənistan Zəngəzur dəhlizi ilə bağlı yaxın zamanlarda Azərbaycana marşrutu təqdim etməlidir. Bu da danışıqlarda nəzərdə tutulan əsas məqamlardan biri olacaq. Prezident İlham Əliyev digər tərəfdən Laçın şəhərinin, Zabux və Sus kəndlərinin qaytarılması istiqamətində atılan addımların artıq yekunlaşmaq üzrə olduğunu vurğuladı. Bildirdi ki, artıq yaxın zamanlarda bu doğma torpaqlarımız da geri qaytarılacaq.

Müsahibədə Qarabağda yaşayan ermənilər üçün də çox ciddi mesajlar səsləndirildi. İlk növbədə, ermənilərin gələcəyi ilə bağlı vəziyyət konkretləşdi. Yəni, onlar ancaq Azərbaycan vətəndaşlığı çərçivəsində gələcəyini müəyyən etmək şansına sahibdirlər. Prezident İlham Əliyevin söylədiyi ən önəmli fikirlərdən biri də Qarabağ ermənilərinin üzərindən Ermənistanın təsirinin ortadan qaldırılmasının, Azərbaycanın təsirinin isə artmasının bir reallıq olmasının xüsusi qabardılması idi. Bu, təkcə ermənilərə mesaj deyildi, Prezident İlham Əliyev həm də digər xarici qüvvələrə ciddi şəkildə bildirdi ki, ölkəmizin suveren ərazisində olan prosesləri Azərbaycandan başqa heç bir qüvvə tənzimləyə bilməz, heç bir qüvvə bu prosesə müdaxilə etmək imkanına malik deyil. Azərbaycan buna imkan verməyəcək”, - deyə Fazil Mustafa qeyd edib.

Diqqətə çatdırılıb ki, Prezident İlham Əliyevin işğaldan azad olunmuş ərazilərdə quruculuq işləri ilə bağlı mesajları da çox önəmli idi və Azərbaycanın strateji plana sahib olduğunu göstərdi. İndiyədək görülən işlər də bunu göstərir. Bu, Azərbaycan cəmiyyətində də inamın möhkəmlənməsinə səbəb oldu. Bu açıqlamalar bütövlükdə tarixi-strateji əhəmiyyətə malikdir. Bu, ermənilər üçün də yeni fürsət kimi dəyərlləndirilməlidir. Ermənilər işğaldan azad olunmuş ərazilərdə yolların çəkilməsini, infrastrukturun qurulmasını da müşahidə edirlər. Onlar görürlər ki, Azərbaycan bölgənin bütün əhalisi üçün normal şərait yaratmaqda qətiyyətlidir və ermənilər kimi dağıdan, çıxdığı evləri məhv edən anlayışı qəbul etmir. Bu, bizim əxlaqımıza da uyğun deyil. Prezident İlham Əliyevin də erməni vəhşiliyi ilə bağlı açıqlamaları, əslində, önümüzdəki günlərdə Laçında və başqa yerlərdə onların törətmək istədikləri vandalizm aktlarının indidən müəyyən dərəcədə beynəlxalq ictimaiyyətə çatdırılması məqsədi güdürdü. Bütün hallarda bu açıqlama Prezident İlham Əliyevin Azərbaycan cəmiyyətinin iradəsinə uyğun olaraq problemlərin həlli istiqamətində prinsipial mövqeyini bundan sonra da davam etdirəcəyini bir daha göstərdi. Xalqımız da dövlətimizin başçısının Qarabağla bağlı atdığı bütün addımlarını birmənalı olaraq dəstəkləyir.

“Prezident İlham Əliyevin rəhbərliyi ilə hər kəs bu prosesdə prinsipial addımlarını atmalıdır ki, biz gələcəyimizi növbəti təhlükələrdən müəyyən dərəcədə sığortalaya bilək, 30 il əvvəlki təlatümləri bundan sonra yaşamayaq. Çünki dövlətimiz güclü olduqda biz də qarşımıza qoyulan hədəfləri daha yaxşı yerinə yetirə bilirik. Dövlətimizin gücünün ifadəsi Prezident İlham Əliyevin məhz bu açıqlamasında birmənalı şəkildə yer aldı”, - deyə deputat fikirlərini yekunlaşdırıb.




Baxış sayı: 393
Fon der Lyayen: Avropa Ukrayna ilə bağlı sülh danışıqlarında iştirak edəcək Bu gün, 10:30 Azərbaycan filmi Haaqa Beynəlxalq Film Festivalının qalibi olub Bu gün, 09:30 Prezidentin Mətbuat Xidmətinin məlumatı Bu gün, 08:00 Vətən Müharibəsi Qəhrəmanı Zaur Nudirəliyevin xatirəsi anılıb Bu gün, 08:00 Azərbaycan Avropanın enerji təhlükəsizliyinə və inkişaf gündəliyinə töhfə verən mühüm tərəfdaşdır Dünən, 17:00 “The Wall Street Journal”: İran müharibəyə rəğmən 2500-ə qədər raketə malikdir Dünən, 17:00 Prezident İlham Əliyev Mahmud Abbası təbrik edib Dünən, 16:30 “Keçmişdən sabaha yol kəlağayı” kitabı oxuculara təqdim olunub Dünən, 13:30 Yol polisi küləkli hava şəraiti ilə bağlı sürücülərə müraciət edib 14-11-2026, 18:00 Azərbaycan–Birləşmiş Krallıq əlaqələri: Etibarlı münasibətlərdən strateji tərəfdaşlığa 14-11-2026, 16:30 “Sabirin sözü, zamanın gözü” kitabının təqdimatı reallaşıb 14-11-2026, 16:30 Tələbələrin fotolarını süni intellektlə montaj edərək hədə-qorxu ilə pul tələb edən şəxs saxlanılıb 13-11-2026, 19:30 COP31-də növbəti tematik gün maliyyə və ticarət məsələlərinə həsr olunub 13-11-2026, 14:30 Media və Yayım Şurası açıqlama yayıb 13-11-2026, 14:30 Azərbaycan Prezidenti İlham Əliyev Dublində Böyük Britaniyanın Baş naziri ilə görüşüb 13-11-2026, 12:30 Qarabağ təbiətinin şəfa mənbəyi 13-11-2026, 11:30 Baş prokuror Binəqədi rayonunda vətəndaşların müraciətlərini dinləyəcək 13-11-2026, 11:30 Bakıda “Eternity-2026” təliminin açılışı olub 13-11-2026, 11:30 Prezident İlham Əliyev “Avropa Siyasi Birliyi”nin 9-cu Zirvə Toplantısı çərçivəsində dəyirmi masada iştirak edib 13-11-2026, 09:30 Bir əsrin işığında türkologiya 12-11-2026, 19:00 “Azercell” Gəncə və Xankəndidə 100 müəllimin süni intellekt bacarıqlarını inkişaf etdirib 12-11-2026, 18:30 12 noyabr – Konstitusiya Günü 12-11-2026, 18:30 Prezident İlham Əliyev “Avropa Siyasi Birliyi”nin 9-cu Zirvə Toplantısının açılış plenar sessiyasında iştirak edib 12-11-2026, 18:30 Prezident İlham Əliyev Dublində Volodimir Zelenski ilə görüşüb 12-11-2026, 16:00 Qərbi Azərbaycana həsr olunmuş kitab əcnəbi dildə nəşr edilib 12-11-2026, 11:00 Azərbaycanın təşəbbüsü ilə irəli sürülmüş itkin düşmüş şəxslərlə bağlı qətnamə BMT-nin Komitəsində qəbul edilib 12-11-2026, 10:00 “IRS-Naslediye” jurnalının yeni nömrəsi işıq üzü görüb 12-11-2026, 10:00 Birinci vitse-prezident Mehriban Əliyeva Konstitusiya Günü ilə bağlı paylaşım edib 12-11-2026, 09:30 G7 ölkələrinin XİN rəhbərləri Ukraynaya uzaqmənzilli silahların tədarükünü müzakirə ediblər 12-11-2026, 09:30 Mədəni və yaradıcı sənaye sahəsində qrant müsabiqəsi elan edilib 11-11-2026, 21:00
Köşə yazarları
Təqvim
«    Noyabr 2026    »
BeÇaÇCaCŞB
 1
2345678
9101112131415
16171819202122
23242526272829
30