Musavat.com xarici agentliklərə istinadən xəbər verir ki, ABŞ senatorlarından ibarət ikipartiyalı qrup Yuxarı Palatada Rusiyanın Ukraynadakı hərəkətlərini Ukrayna xalqının soyqırımı kimi tanıyan qətnamə layihəsi təqdim edib.

Həmin sənədin mətni ABŞ Senatının Xarici əlaqələr komitəsinin rəsmi saytında yerləşdirilib.

Qətnamə müəlliflərindən respublikaçı Cim Riş “Rusiyanın Ukraynada etdiyinin soyqırım olduğuna şübhə yoxdur” deyə cümlə işlədib.

Bununla bağlı o, Rusiya hərbçilərinin İrpin, Qostomel və Ukraynanın digər şəhərlərində törətdiyi hərəkətləri xatırladıb.

Senator Ben Kardin də Rusiyanın Ukraynadakı hərəkətlərinin soyqırımdan başqa bir şey olmadığını vurğulayıb.

"Rusiya Ukraynada təkcə insanları və tikililəri yox, həm də Ukrayna dilini, Ukrayna tarixini və Ukrayna mədəniyyətini məhv etməyə çalışır. Bu, bir soyqırımdır. Dünya bu faktı tanımalı və günahkarlar cavab verməlidir", - deyə o, bildirib.