Ötən müddət ərzində bu sahədə işlər görülüb. Digər minatəmizləmə fəaliyyətinə cəlb olunmuş qurumlar tərəfindən 20 min hektardan artıq ərazi minalardan və partlamamış hərbi sursatlardan təmizlənib.

Bu sözləri IX Qlobal Bakı Forumu çərçivəsində Şuşada təşkil edilmiş panel iclasda iştirak edən Minatəmizləmə Agentliyinin İdarə Heyətinin sədri Vüqar Süleymanov AZƏRTAC-a açıqlamasında söyləyib.

İşğaldan azad olunan ərazilərdə həyata keçirilən infrastruktur layihələrindən danışan Vüqar Süleymanov deyib: “Bu il də fəaliyyətimiz davam edir. Ötən ilin sonunda təsdiq olunmuş tədbirlər planına əsasən, cari ildə minatəmizləmə fəaliyyətinə cəlb olunmuş qurumlar tərəfindən ümumilikdə 40 min hektar ərazinin təmizlənməsi nəzərdə tutulub”.

Beynəlxalq təşkilatlarla əməkdaşlıq etdiklərini diqqətə çatdıran Agentliyinin İdarə Heyətinin sədri əlavə edib: Azərbaycanda bir neçə xarici şirkət fəaliyyət göstərir. Biz yeni texnologiyaları cəlb etmişik. Bu, havadan ərazilərin öyrənilməsi və qiymətləndirilməsi texnologiyasıdır. Hansı ki, bir neçə cihaz tərəfindən yığılan məlumatlar süni intellekt tərəfindən emal olunur və sahələr barədə bizə məlumat verilir. Bu, işimizin düzgün planlaşdırılması və sürətinin artırılması üçün çox önəmlidir”.