FACT-INFO.AZ » XƏBƏR » “Əsgər nəfəsi” adlı kitabın təqdimatı olub
22-04-2022, 09:15 | XƏBƏR
“Əsgər nəfəsi” adlı kitabın təqdimatı olub


 Fact-info.az xəbər verir ki, döyüş növbəsində ayıq-sayıq dayanaraq düşmən təxribatlarının qarşısını qətiyyətlə və mərdliklə alan, şanlı hərb tariximizə hər gün yeni bir səhifə yazan qalib ordunun döyüşçüləri ilə keçirilən növbəti tədbir – “Əsgər nəfəsi” kitabının təqdimatı da Vətən müdafiəçilərinin böyük ruh yüksəkliyinə səbəb olub.

“Əsgər nəfəsi” Azərbaycan əsgərinin kitabıdır. Azərbaycan əsgərinin Vətənə şərəfli xidməti, Hərbi Anda sədaqəti, Vətən müharibəsi cəbhələrində qazanılan möhtəşəm Qələbəni tərənnüm edən kitabdır. Bu kitab döyüş meydanlarında öz qanları ilə tarix yazan, adları tarixə yazılan ölməz şəhidlərimizin xatirəsinə sonsuz ehtiramı, onların ölməzliyinə inamı təcəssüm etdirən kitabdır.

Hələ Birinci Qarabağ müharibəsi zamanı igid oğullarımızın düşmənə qarşı son gülləsinə, son nəfəsinədək döyüşdüyü, 30 ilə yaxın düşmən tapdağında öz xilaskarının yolunu həsrətlə gözlədiyi və arzusuna çataraq bu gün rahat nəfəs aldığı Vətən torpağının bir guşəsində keçirilən kitab təqdimatı başlamazdan öncə şəhidlərin xatirəsi bir daha ehtiramla yad edilib, onların intiqamının alındığı qürur hissi ilə vurğulanıb.

Əməkdar incəsənət xadimi, Prezidentin fərdi təqaüdçüsü, polkovnik Abdulla Qurbani döyüşçüləri əldə etdikləri uğurlar, xidmətdə qazandıqları nailiyyətlər münasibətilə təbrik edib, ölməz şairimiz Səməd Vurğunun “Qoy, hər sözün ciyərilə nəfəs alsın bir qəhrəman” misrasını xatırladaraq “Əsgər nəfəsi” adlı kitabın təqdimatına başlayıb.

Əvvəlcə bu sanballı kitabın müəllifi, ehtiyatda olan mayor Rəşid Hüseynov şəxsi heyətə təqdim edilib. Bildirilib ki, yazıçı-jurnalist Rəşid Faxralı 67 il öncə Borçalı mahalında anadan olub. Faxralı kənd orta məktəbini bitirdikdən sonra Azərbaycan Dövlət Pedaqoji Universitetinin riyaziyyat və Bakı Dövlət Universitetinin jurnalistika fakültələrində təhsil alıb. Sonralar rayonun “Qələbə bayrağı” qəzetində müxbir, qəzetin redaktoru vəzifələrində çalışıb. 1989-cu ildən Bakıda yaşayır. “İnşaatçı”, “Ədalət” qəzetlərinin redaksiyalarında fəaliyyətini davam etdirib. 1992-ci ildən taleyini yeni yaranmaqda olan Milli Ordumuzla bağlayıb. Əvvəllər “Xalq Ordusu” adlanan indiki “Azərbaycan Ordusu” qəzetinin yaradılmasında, Azərbaycan Ordusunun Sənədli və Tədris Filmləri Mərkəzinin fəaliyyətində müstəsna xidmətləri olub. Birinci Qarabağ müharibəsi döyüşlərində səsi-sorağı tez-tez cəbhə bölgələrindən gəlib. Yazdığı məqalələr, hazırladığı reportajlar döyüşçülərə böyük ruh yüksəkliyi verib. Onun hər sözü ciyər olub yaralı əsgərə belə yeni nəfəs, yeni ruh verib.

Nəzərə çatdırılıb ki, Əməkdar jurnalist fəxri adına layiq görülən Rəşid Faxralı 40-dan çox kitabın, neçə-neçə sənədli filmin ssenari müəllifidir. Onun müxtəlif janrlı əsərlərinin baş qəhrəmanı isə mübariz, fədakar, qalib Vətən əsgəridir.

Qeyd edilib ki, müəllifin təqdim olunan yeni kitabı Vətən müharibəsi ərəfəsində, müharibənin gedişində və müharibədən sonrakı dövrlərdə yazdığı məqalə, reportaj, müsahibə, esse, poema və düşüncələrdən ibarət 496 səhifəlik topludur. Bu kitabda toplanan hər bir jurnalist yazısı istər müharibə ərəfəsində, istər müharibənin gedişində, istərsə də müharibədən sonra şəxsi heyətin mənəvi-psixoloji hazırlığının, vətənpərvərlik hissinin, döyüş əzminin, gələcəyə inamının ifadəsi, sözün həqiqi mənasında, Vətən müharibəsinin tarixidir.

Rəşid Faxralı əsgərləri salamlayıb, bu gün yenidən nəfəsini əsgər nəfəsinə qatdığı üçün özünü dünyanın ən xoşbəxti hesab etdiyini dilə gətirib. Döyüşçülər arasında həmişə olduğu kimi, yenə də özünü məğrur, qürurlu hesab etdiyini vurğulayıb və nə qədər ömür vəfa edərsə yenə də əsgər həyatından, Vətən oğullarının şücaətindən, fədakarlığından yazacağını, onların çətin, məsuliyyətli və şərəfli xidmətlərini tərənnüm edəcəyini bildirib.

Çıxış edən hərbi qulluqçular Rəşid Faxralının kitablarını, xüsusilə “Azərbaycan Ordusu” qəzetində dərc edilən məqalələrini sevə-sevə oxuduqlarını qeyd edib və müəllifə bundan sonra da yaradıcılıq uğurları arzulayıblar.

Döyüşdə, təlimlərdə və xidmətdə fərqlənən hərbi qulluqçulardan bir qrupuna müəllifin imzası ilə “Əsgər nəfəsi” kitabının nüsxələri təqdim olunub.

Vətən müharibəsi iştirakçısı polkovnik Seymur Həbibullayev şəxsi heyət adından müəllifə və qonaqlara minnətdarlıq edib və yeni-yeni əsərlərin qəhrəmanı olacaq Vətən müdafiəçilərinin Ali Baş Komandanın əmrlərinə bundan sonra da hər an hazır olduqlarını bəyan edib.




Baxış sayı: 622
Fon der Lyayen: Avropa Ukrayna ilə bağlı sülh danışıqlarında iştirak edəcək Bu gün, 10:30 Azərbaycan filmi Haaqa Beynəlxalq Film Festivalının qalibi olub Bu gün, 09:30 Prezidentin Mətbuat Xidmətinin məlumatı Bu gün, 08:00 Vətən Müharibəsi Qəhrəmanı Zaur Nudirəliyevin xatirəsi anılıb Bu gün, 08:00 Azərbaycan Avropanın enerji təhlükəsizliyinə və inkişaf gündəliyinə töhfə verən mühüm tərəfdaşdır Dünən, 17:00 “The Wall Street Journal”: İran müharibəyə rəğmən 2500-ə qədər raketə malikdir Dünən, 17:00 Prezident İlham Əliyev Mahmud Abbası təbrik edib Dünən, 16:30 “Keçmişdən sabaha yol kəlağayı” kitabı oxuculara təqdim olunub Dünən, 13:30 Yol polisi küləkli hava şəraiti ilə bağlı sürücülərə müraciət edib 14-11-2026, 18:00 Azərbaycan–Birləşmiş Krallıq əlaqələri: Etibarlı münasibətlərdən strateji tərəfdaşlığa 14-11-2026, 16:30 “Sabirin sözü, zamanın gözü” kitabının təqdimatı reallaşıb 14-11-2026, 16:30 Tələbələrin fotolarını süni intellektlə montaj edərək hədə-qorxu ilə pul tələb edən şəxs saxlanılıb 13-11-2026, 19:30 COP31-də növbəti tematik gün maliyyə və ticarət məsələlərinə həsr olunub 13-11-2026, 14:30 Media və Yayım Şurası açıqlama yayıb 13-11-2026, 14:30 Azərbaycan Prezidenti İlham Əliyev Dublində Böyük Britaniyanın Baş naziri ilə görüşüb 13-11-2026, 12:30 Qarabağ təbiətinin şəfa mənbəyi 13-11-2026, 11:30 Baş prokuror Binəqədi rayonunda vətəndaşların müraciətlərini dinləyəcək 13-11-2026, 11:30 Bakıda “Eternity-2026” təliminin açılışı olub 13-11-2026, 11:30 Prezident İlham Əliyev “Avropa Siyasi Birliyi”nin 9-cu Zirvə Toplantısı çərçivəsində dəyirmi masada iştirak edib 13-11-2026, 09:30 Bir əsrin işığında türkologiya 12-11-2026, 19:00 “Azercell” Gəncə və Xankəndidə 100 müəllimin süni intellekt bacarıqlarını inkişaf etdirib 12-11-2026, 18:30 12 noyabr – Konstitusiya Günü 12-11-2026, 18:30 Prezident İlham Əliyev “Avropa Siyasi Birliyi”nin 9-cu Zirvə Toplantısının açılış plenar sessiyasında iştirak edib 12-11-2026, 18:30 Prezident İlham Əliyev Dublində Volodimir Zelenski ilə görüşüb 12-11-2026, 16:00 Qərbi Azərbaycana həsr olunmuş kitab əcnəbi dildə nəşr edilib 12-11-2026, 11:00 Azərbaycanın təşəbbüsü ilə irəli sürülmüş itkin düşmüş şəxslərlə bağlı qətnamə BMT-nin Komitəsində qəbul edilib 12-11-2026, 10:00 “IRS-Naslediye” jurnalının yeni nömrəsi işıq üzü görüb 12-11-2026, 10:00 Birinci vitse-prezident Mehriban Əliyeva Konstitusiya Günü ilə bağlı paylaşım edib 12-11-2026, 09:30 G7 ölkələrinin XİN rəhbərləri Ukraynaya uzaqmənzilli silahların tədarükünü müzakirə ediblər 12-11-2026, 09:30 Mədəni və yaradıcı sənaye sahəsində qrant müsabiqəsi elan edilib 11-11-2026, 21:00
Köşə yazarları
Təqvim
«    Noyabr 2026    »
BeÇaÇCaCŞB
 1
2345678
9101112131415
16171819202122
23242526272829
30