Muğam sənətinin gələcək nəsillərə çatdırılmasında, sevdirilməsində böyük töhfələr vermiş, 3 ildən artıq davam edən, hazırda MTV Azərbaycan kanalında yayımlanan "AVAZ” Televiziya Uşaq Muğam Müsabiqəsinin kiçikyaşlı xanəndələri, layihənin rəhbəri Zərifə Tapdıq qızı və musiqi rəhbəri Kamilə Abdullayeva bu günlərdə qardaş Türkiyədə keçirilən Beynəlxalq Musiqi Festivalında iştirak ediblər.

Bu barədə Fact-info.az-a layihənin rəhbəri Zərifə Tapdq qızı məlumat verib.

Zərifə Tapdq qızı bildirdi ki, kiçikyaşlı xanəndələrdən ibarət heyətdə "Avaz-3" ün iştirakçısı, şəhid mayor Elsevər Paşayevin qızı, 6 yaşlı Nəzrinin atasına həsr etdiyi ifası festivala qatılan hər kəsi göz yaşlarına qərq edib. "Avaz" qrupu festivala Mədəniyyət Nazirliyinin, Ailə Qadın və Uşaq məsələləri komitəsinin sədr müavini, millət vəkili Jalə Əliyevanın və Azərbaycan oftolmoloqlar cəmiyyətinin sədri, həkim oftolmoloq Yazgül Abıyevanın dəstəyilə qatılmışdı.

Layihənin rəhbəri Zərifə Tapdq daha sonra qeyd edib ki, yarandığı gündən müxtəlif beynəlxalq musiqi festivallarına dəvətlər alan "AVAZ" iştirakçılarının növbəti səfəri, aprelin 23-də qardaş Türkiyənin Bursa şəhərində keçiriləcək Beynəlxalq Uşaq Festivalı olacaq.

Fact-info.az