FACT-INFO.AZ » XƏBƏR » "Şəhidlər ölməz-Vətən bölünməz" kitabının hazırlanması prosesi davam edir
27-02-2022, 10:00 | XƏBƏR
"Şəhidlər ölməz-Vətən bölünməz" kitabının hazırlanması prosesi davam edir

1996-cı il aprelin 1-də Qazaxıstanın Aktau şəhərində anadan olan Sənan əslən Füzuli rayonunun Qacarlar kəndindəndir. 2008-ci ildə ailəsi ilə birlikdə Azərbaycana gəldikdən sonra Bakı şəhəri Xəzər rayonu 149 nömrəli tam orta məktəbdə təhsilini tamamlayıb. 2014-cü ildə hərbi xidmətə gedib. Kəşfiyyat bölüyündə qulluq edib. 2016-cı ilin Aprel döyüşlərinin iştirakçısı olub.

Sənan Hüseynov 2016-cı ildə Azərbaycan Silahlı Qüvvələrinin sıralarında hərbi xidmətdə olmuşdur. Hərbi xidmət zamanı 2016-cı ilin aprelin 2-dən 5-nə qədər davam edən Aprel döyüşlərində yaxından vuruşmuş, fərqlənmişdir. Azərbaycan Ordusunun əsgəri olan Sənan Hüseynov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində könüllü olaraq vuruşmuşdur. Füzulinin, Qubadlının, Cəbrayılın, Xocavəndin və Şuşanın azadlığı uğrunda gedən döyüşlərdə vuruşmuşdur. Sənan Hüseynov 7 noyabr 2020-ci ildə Şuşa istiqamətində döyüş tapşırığının yerinə yetirilməsi zamanı şəhid olmuşdur. Binə Şəhidlər Xiyabanında dəfn olunmuşdur.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15 dekabr 2020-ci il tarixli Sərəncamına əsasən Sənan Hüseynov ölümündən sonra "Vətən uğrunda" medalı ilə təltif edildi.

Azərbaycanın Qubadlı rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29 dekabr 2020-ci il tarixli Sərəncamına əsasən Sənan Hüseynov ölümündən sonra "Qubadlının azad olunmasına görə" medalı ilə təltif edildi. Azərbaycan ərazilərinin işğaldan azad olunması zamanı döyüş tapşırıqlarını uğurla yerinə yetirdiyinə, düşmənin əsas qruplaşmalarının məhv edilməsi ilə qoşunların döyüş qabiliyyətinin qorunub saxlanılmasında fərqləndiyinə görə Azərbaycan Prezidenti İlham Əliyevin 24 iyun 2021-ci il tarixli Sərəncamına əsasən Sənan Hüseynov ölümündən sonra "Cəsur döyüşçü" medalı ilə təltif edildi.

Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24 iyun 2021-ci il tarixli Sərəncamına əsasən Sənan Hüseynov ölümündən sonra "Füzulinin azad olunmasına görə" medalı ilə təltif edildi.

Azərbaycanın Şuşa rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24 iyun .2021-ci il tarixli Sərəncamına əsasən Sənan Hüseynov ölümündən sonra "Şuşanın azad olunmasına görə" medalı ilə təltif edildi.

Şəhidimizin bacısı Səbinə xanım Sənanla bağlı uşaqlıq xatirələrini dilə gətirib: “Sənan məndən bir yaş böyük olub. O, çox mehriban, istiqanlı olsa da, çox nadinc olub. Qorxu nə olduğunu bilmirdi. Ona görə, onunla bir çox hallarda yola getmirdik. Biz Qazaxıstanda doğulsaq da sonradan Azərbaycana, Bakı şəhərinin Binə qəsəbəsinə köçmüşük. Burada orta təhsilimizi almışıq. O, Azərbaycan tarixinin vurğunu idi. Həmişə tarix müəllimi ilə mübahisə edirdi. Hətta tarix müəllimi bəzən onun bu, diskusiyalarından yorulub bizə şikayət edirdi. Bəlkə də Sənanda tariximizə, milli dəyərlərimizə olan maraq idi ki, o, II Qarabağ savaşında böyük ürəklə döyüşə getdi. Sənan bəzi problemlərə görə, ali təhsil ala bilməsə də,amma öz ideyalarını tətbiq etməklə biznes qurmaq istəyirdi. Sənanda digər bir xüsusiyyəti vardı. Bu da futbola olan böyük maraq idi. Bəlkə də futbolu, dünya çemionatlarını, bu oyunları baxmağı həyat amalına çevirmişdi. Bütün bu ideyaları, böyük arzuları qardaşım gerçəkləşdirə bilmədi. Müharibənin son günlərində 2020-ci ilin 7 noyabrında şəhadətə qovuşdu”.

Sənanın döyüş yoldaşı Sahil Rzayev 44 günlük müharibəyə nəzər salıb: “Mən Sənanla 42 gün birlikdə döyüş yolu keçmişəm. Kəşfiyyat dəstəsində olduğumuza görə, hər zaman ən qaynar nöqtələrdə, öndə olurduq. Mən döyüş zaman iki dəfə kontuziya almışam. Ona görə, yaddaşımda bəzən problemlər olur. Bir dəfə Füzulinin Aşağı Veysəlli kəndində düşmənlə döyüşlərdən sonra eıə bir yer vardı ki,orada bir müddət qalmalı olduq. Oktyabr ayı idi. Mənim əynimdəki geyimlərim nazik olduğuna görə, çox üşüyürdüm, demək olar ki, soyuqdan yata bilmirdim. Biz növbə ilə qisa müddətə yatırdıq. Mən yatan zaman Sənan üstümə ağac yarpaqları yığırdı ki, üşüməyim. O, cəsur olduğu qədər qayğikeş, mərhəmətli idi. Onun qorxmazlığı, hərbi bacarığı digər döyüş yoldaşlarımıza yaxşı təsir bağışlayırdı”.

Yaddaş xatirəsinə nəzər salan Sənanın döyüş yoldaşı Sahil Rzayev daha sonra əlavə edib: “2020-ci ilin noyabrın əvvəli idi. Biz Şuşa istiqamətində döyüşürdük. Elə bir şərait yarandı ki, bizim əsgərlərimizin yeməyi tükənmişdi. Çox təhlükəli yollarla, təxminən 3 km yol qət edib ərzaq, yemək gətirmək lazım idi. Bu zaman yenə Sənan iki əsgər götürüb, bu işin öhdəsindən gəldi. Çox çətinliklə olsa da vaxtında əsgərlərimizin qidalanma məsələsi həll oldu. Mənim yaddaşım imkan vermir. Sənanla bağlı o qədər danışılmalı söhbətlər var”.

Fact-info.az




Baxış sayı: 775
Fon der Lyayen: Avropa Ukrayna ilə bağlı sülh danışıqlarında iştirak edəcək Bu gün, 10:30 Azərbaycan filmi Haaqa Beynəlxalq Film Festivalının qalibi olub Bu gün, 09:30 Prezidentin Mətbuat Xidmətinin məlumatı Bu gün, 08:00 Vətən Müharibəsi Qəhrəmanı Zaur Nudirəliyevin xatirəsi anılıb Bu gün, 08:00 Azərbaycan Avropanın enerji təhlükəsizliyinə və inkişaf gündəliyinə töhfə verən mühüm tərəfdaşdır Dünən, 17:00 “The Wall Street Journal”: İran müharibəyə rəğmən 2500-ə qədər raketə malikdir Dünən, 17:00 Prezident İlham Əliyev Mahmud Abbası təbrik edib Dünən, 16:30 “Keçmişdən sabaha yol kəlağayı” kitabı oxuculara təqdim olunub Dünən, 13:30 Yol polisi küləkli hava şəraiti ilə bağlı sürücülərə müraciət edib 14-11-2026, 18:00 Azərbaycan–Birləşmiş Krallıq əlaqələri: Etibarlı münasibətlərdən strateji tərəfdaşlığa 14-11-2026, 16:30 “Sabirin sözü, zamanın gözü” kitabının təqdimatı reallaşıb 14-11-2026, 16:30 Tələbələrin fotolarını süni intellektlə montaj edərək hədə-qorxu ilə pul tələb edən şəxs saxlanılıb 13-11-2026, 19:30 COP31-də növbəti tematik gün maliyyə və ticarət məsələlərinə həsr olunub 13-11-2026, 14:30 Media və Yayım Şurası açıqlama yayıb 13-11-2026, 14:30 Azərbaycan Prezidenti İlham Əliyev Dublində Böyük Britaniyanın Baş naziri ilə görüşüb 13-11-2026, 12:30 Qarabağ təbiətinin şəfa mənbəyi 13-11-2026, 11:30 Baş prokuror Binəqədi rayonunda vətəndaşların müraciətlərini dinləyəcək 13-11-2026, 11:30 Bakıda “Eternity-2026” təliminin açılışı olub 13-11-2026, 11:30 Prezident İlham Əliyev “Avropa Siyasi Birliyi”nin 9-cu Zirvə Toplantısı çərçivəsində dəyirmi masada iştirak edib 13-11-2026, 09:30 Bir əsrin işığında türkologiya 12-11-2026, 19:00 “Azercell” Gəncə və Xankəndidə 100 müəllimin süni intellekt bacarıqlarını inkişaf etdirib 12-11-2026, 18:30 12 noyabr – Konstitusiya Günü 12-11-2026, 18:30 Prezident İlham Əliyev “Avropa Siyasi Birliyi”nin 9-cu Zirvə Toplantısının açılış plenar sessiyasında iştirak edib 12-11-2026, 18:30 Prezident İlham Əliyev Dublində Volodimir Zelenski ilə görüşüb 12-11-2026, 16:00 Qərbi Azərbaycana həsr olunmuş kitab əcnəbi dildə nəşr edilib 12-11-2026, 11:00 Azərbaycanın təşəbbüsü ilə irəli sürülmüş itkin düşmüş şəxslərlə bağlı qətnamə BMT-nin Komitəsində qəbul edilib 12-11-2026, 10:00 “IRS-Naslediye” jurnalının yeni nömrəsi işıq üzü görüb 12-11-2026, 10:00 Birinci vitse-prezident Mehriban Əliyeva Konstitusiya Günü ilə bağlı paylaşım edib 12-11-2026, 09:30 G7 ölkələrinin XİN rəhbərləri Ukraynaya uzaqmənzilli silahların tədarükünü müzakirə ediblər 12-11-2026, 09:30 Mədəni və yaradıcı sənaye sahəsində qrant müsabiqəsi elan edilib 11-11-2026, 21:00
Köşə yazarları
Təqvim
«    Noyabr 2026    »
BeÇaÇCaCŞB
 1
2345678
9101112131415
16171819202122
23242526272829
30