Azərbaycanın ərazi bütövlüyü, azadlığı uğrunda fədakarlıq göstərən və bu müqəddəs yolda Şəhidlik zirvəsinə yüksələn hər bir soydaşımız bizim hər birimiz üçün qiymətlidir. Bu gün belə fədakar, cəsur insanlardan biri haqqında söhbət açırıq.

Xatıqladırıq ki, Ağaəli Vaqif oğlu Yusifov 1997-ci il sentyabrın 8-də Xəzər rayonunun Mərdəkan qəsəbəsində anadan olub. Təhsilini Xəzər rayon 181 saylı məktəbdə alıb. O, 2016-cı ildə Aprel döyüşlərində də iştirak edib. Ağaəli Yusifov Goranboy və Tərtər rayonları istiqamətində gedən döyüşlərdə fəallıq göstərib.

2020-ci ilin sentyabrında Ağaəli könüllü olaraq cəbhəyə gedib. Azərbaycan Ordusunun əsgəri Vətən müharibəsi zamanı Füzuli və Xocavəndin azadlığı uğrunda gedən döyüşlərdə iştirak edib. O, oktyabrın 20-də Xocavənd döyüşləri zamanı Şəhid olub. Xəzər rayonunun Mərdəkan qəsəbəsində dəfn olunub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15 dekabr 2020-ci il tarixli Sərəncamına əsasən Ağaəli Yusifov ölümündən sonra “Vətən uğrunda” medalı ilə təltif edilib. Daha sonra “Xocavəndin azad olunmasına görə” medalı ilə təltif edilib.

Azərbaycanın Xocavənd rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25 dekabr 2020-ci il tarixli Sərəncamına əsasən Ağaəli Yusifov ölümündən sonra "Xocavəndin azad olunmasına görə" medalı ilə təltif edildi.

Allah qatında seçilmiş elə insanlar var ki, onlar ölmür, Yaradana - əbədiyyətə qovuşurlar.Bu ölümlərin ən şərəflisidir. Bu, müqəddəs şəhidlik zirvəsidir ki, hər kəsə qismət olmaz. Allah bütün Şəhidlərimizə rəhmət eləsin.

Fact-info.az