Şəhidlərimiz haqqında hazırladığımız kitabın mövzusuna uyğun olaraq daha bir Şəhid qardaşımız Novruzov Şahin Şahlar oğlunun ailə üzvləri, anası İlahə xanım, kiçik qardaşı Maqsudla Xəzər rayonu Zirə qəsəbəsində görüşüb söhbət etdik. Anasının qeyd etdiyi kimi, Şahin tarix oxumasa da II Qarabağ müharibəsində Zəfərimizin qazanılmasında tarix yazıb.
Xatırladırıq ki, Novruzov Şahin Şahlar oğlu 3 fevral 1998-ci ildə Astaranın Səncərədi kəndində anadan olub. 2004-cü ildə E.Ağayev adına məktəbdə təhsil almağa başlayıb. 2007-ci ildə təhsilini yarımçıq qoyaraq ailəsi ilə birgə Bakının Zirə qəsəbəsinə köçüb.
Şahin Novruzov 2016-2017-ci illərdə həqiqi hərbi xidmətdə olub. 2020-ci il sentyabrın 27-də könüllü olaraq hərbi xidmətə gedərək Azərbaycan və Ermənistan arasında başlanan II Qarabağ müharibəsi zamanı cəbhənin müxtəlif istiqamətlərində döyüşüb. 20 oktyabr 2020-ci ildə Xocavənd istiqamətində gedən döyüşlərdə Şəhid olub. Ölümündən sonra "Vətən uğrunda", "Cəbrayılın azad olunmasına görə" medalı ilə təltif edilib. Allah bütün Şəhidlərimizə rəhmət eləsin.
Fact-info.az
Baxış sayı: 735
U.S. Congress hosts international conference on right of return
Baku hosts official opening ceremony of OIC Parliamentary Union Conference
Presidents Ilham Aliyev and Serdar Berdimuhamedov viewed bullet-riddled busts of Azerbaijan’s prominent figures in Shusha
Environmental Protection First Coalition appeals to participants of COP17 summit to be held in Armenia
President: We will never forget what Armenian occupational forces have done to our people