2016-12-12 16:00:13 | TƏDQİQATLAR-ANALITIKA
Təhlükəli tendensiyalar sabitliyə zərbə vurur

Artıq dünyada, o cümlədən Qərbdə liberal dəyərlər mahiyyətini itirir, qorxulu millətçilik əhval-ruhiyyəsi isə genişlənməkdədir.

 Digər tərəfdən dini qütbləşmə,  antiislam meyllərinin güclənməsinə dəstək olan bəzi mərkəzlərin təxribatçı  layihələri icra olunmaqdadır.  Həmçinin terrorizmin genişlənməsində maraqlı  qüvvələrin  strateji hədəfləri, sanki  dirijor çubuğu ilə idarə olunan terror təşkilatları və onların  Türkiyəni hədəfə alması və  başqa faktorlar  dünya üçün xoşagəlməyən tendensiyalara rəvac verir.

 Regional və beynəlxalq siyasəti, dünyada gedən siyasi-iqdisadi prosesləri izləyəndə bu qənaətə gəlmək olar ki, təhlükəli tendensiyalar artmaqda davam edir. Müxtəlif çevrələrdə, beynəlxalq təşkilatlar səviyyəsində aparılan  danışıqlar  sanki  mövcud münaqişələrin həllinə deyil, daha çox uzanmasına  təkan verir. Bu proseslərin məntiqi davamına diqqət yetirən  zaman düşünmək olar ki, bütün bunlar bir çox  məkrli dairələrin düşünülmüş iqtisadi, siyasi, hərbi planlarıdır.

İmitasiya xarakterli sülhyaratma prosesləri həm Dağlıq Qarabağda, həm də digər münaqişə ocaqlarında  ədalətli sülhü əlçatmaz edib. Bir çox hallarda gəlib Bakıda  “Dağlıq Qarabağ münaqişəsinin həlli müharibə yolu ilə mümkün deyil”  deyən hiyləgər diplomatların  qənaətincə, sanki işğal olunmuş Azərbaycan torpaqlarını ermənilərə güzəşt etmək  tövsiyə olunur. Belə sərsəm diplomatların bəs, fikri nədir?  Müharibə yolu ilə torpaqları azad etmək olmaz. Aparılan sülh danışıqlarının  heç bir nəticəsi yoxdur. Bu əslində həmin dairələrin çox hiyələgər  siyasi maraqlarından irəli gəlir.

İstər Rusiyanın ikibaşlı oyunları, istərsə də Qərbin sülh çağırışları,  imitasiya xarakterli sülh danışıqları Dağlıq Qarabağ münaqişəsinin həllinə çətinki müsbət təsir göstərsin. Bu necə vasitəçidir ki, hər iki münaqişə tərəfinə silah satır. Təbii ki,  yoxsul Ermənistana Rusiyanın həmin silahları pulsuz verməsi şübhəsizdir.Aydın görünür ki, ATƏT-in Minsk qrupu Ermənistan-Azərbaycan münaqişəsini həll etmək gücündə deyil. İmitasiya xarakterli bu sülh yaratma prosesi, regiona davam edən turist səfərləri münaqişənin ömrünü uzatmağa hesablanıb. Düşünmək olar ki, həmsədr ölkələrin planı odur ki, bu münaqişənin həllinə deyil, onu daha çox öz nəzarətlərində saxlamağa çalışırlar.

 Ancaq bütün bu proseslərə diqqət yetirəndə görürsən ki, davam edən nəticəsiz danışıqlar Dağlıq Qarabağda  müharibəni qaçılmaz edib. Dünyanın bəzi siyasi dairələrinin  barmaq silkələməsinə, hədələrinə baxmayaraq  Azərbaycan  beynəlxalq hüquqa istinad edərək, öz hərbi və iqtisadi gücünə güvənərək Qarabağda  və işğal olunan digər ərazilərdə mövcud olan qeyri-qanuni silahlı birləşmələrə qarşı antiterror həyata keçirməlidir. Necə ki, Rusiya  və digər ölkələr mütəmadi olaraq öz ərazisində  qeyri-qanuni  silahlı birləşmələrə qarşı belə antiterror  siyasəti həyata keçirirlər. Qanunsuz  silalılıları  zərərsisləşdirirlər

Bu baxımdan Azərbaycanın da tam haqqı var  belə əməliyyatları həyata keçirsin. Bir sözlə ermənilər Dağlıq Qarabağda və işğal altında qalan digər ərazilərdə özlərini rahat hiss etməməlidirlər. Düşünməlidirlər ki, başqa dövlətin  yardımı ilə  bu əraziləri uzun müddət nəzarətdə  saxlaya bilməyəcəklər. Qısa antiterror əməliyyatları, 2016-cı ilin uğurlu aprel döyüşləri kimi döyüş taktikası, Qarabağda öldürülən erməni əsgərlərinin Ermənistana daşınması erməniləri qandırmalıdır. Nəhayət ermənilər dərk etməlidirlər ki, xarici qüvvələrin  əlaltısı olmağın, işğalçılığın, separatizmin perspektivi yoxdur. Bu, gələcək ermənini  yalnız bir xalq olaraq  məhvinə, regionda gərginliyin artmasına aparacaq.

Hər-halda belə sonluq erməniləri təqib etməkdədir. İki yol var. Ermənilər  ya xarici qüvvələrin əlaltısı olmaqdan, separatizmdən əl çəkib Azərbaycanla normal qonşuluq siyasəti həyata keçirərək dinc şəraitdə yaşamağı  qəbul etməlidirlər. Sonuncu yol isə işğal olunan bütün ərazilərdə  qeyri-qanuni silahlı birləşmələrə qarşı antiterror əməliyyatlarının həyata keçirilməsidir. Sonuncu variant gec-tez baş verəcək. 

Ancaq  mənim fikrimcə, belə lokal və daha geniş miqyaslı döyüşün baş verməməsi üçün  hələ imkanlar tükənməyib. Əgər  dünyanın böyük güc sahibləri,  münaqişələrin həllinə qolunu çırmalayıb girişən dövlətlər həqiqəti etiraf etsələr vəziyyət dəyişər. Əlqərəz  Ermənistandan işğalçılıq siyasətindən əl çəkib  işğal etdiyi əraziləri dərhal tərk etməyi  sərt şəkildə tələb etməlidirlər. Təəssüf ki, münaqişənin nizamlaması ilə məşğul olan ATƏT-in Minsk qrupunun həmsədrləri bu addımı atmayıblar. İşğalçı ilə işğala məruz qalana qarşı eyni münasibət, eyni davranış tərzi nümayiş etdirilir.

Əkrəm Bəydəmirli      

 

 

 

 

 

 

 

 

Baxış sayı : 2755
Digər yazılar
“Narkomaniyaya qarşı mübarizə və vətəndaş cəmiyyəti” mövzusunda ictimai müzakirə keçirilib 2021-09-18 19:30:13 Reza Deqati Nizami Gəncəvinin dağıdılmış büstü barədə paylaşım edib 2021-09-18 11:35:11 Reza Deqati Nizami Gəncəvinin dağıdılmış büstü barədə paylaşım edib 2021-09-18 11:35:11 Ağdamda beynəlxalq konfrans keçirilir 2021-09-18 10:00:06 Azərbaycanda Milli Musiqi Günüdür 2021-09-18 08:45:47 “BBC News”: Keçmişlə gələcəyin astanasında olan Azərbaycan mədəniyyəti ziyarətçilərə unudulmaz təəssürat bəxş edir 2021-09-17 11:10:36 Əhməd İsmayılov: Avrasiya Media Forumu onlarla ölkədən yüzlərlə nümayəndənin birləşdiyi beynəlxalq ünsiyyət platformasıdır 2021-09-17 10:15:50 Əcnəbi media Oxçuçayın çirkləndirilməsindən yazdı 2021-09-17 10:10:00 "Ermənistanı məsuliyyətə cəlb etmək üçün məhkəməyə müraciət edəcəyik" 2021-09-17 09:45:10 Fəlsəfə doktoru Zəkulla Bayramlının polis özbaşınalığı ilə bağlı müraciəti 2021-09-17 09:05:17 Əlaqələndirmə Qərargahının iclasında bir sıra vacib məsələlər müzakirə olunub 2021-09-16 19:05:36 XİN Fransa Milli Assambleyası üzvünün Xankəndiyə qanunsuz səfərinə münasibət bildirib 2021-09-16 12:30:22 Oxçuçay problemi BMT iclasında müzakirəyə çıxarılıb 2021-09-16 09:20:59 Məcburi köçkünlərin xatirələri barədə videoçarxlar hazırlanır 2021-09-16 08:55:38 Sabir Rüstəmxanlı: Bu gün Azərbaycanın yürütdüyü siyasət Azərbaycan və Türkiyə vətəndaşlarının birliyini əks etdirir 2021-09-16 09:25:30 XVII Avrasiya Media Forumu keçirilib 2021-09-16 07:55:59 Ərdoğan Bakının işğaldan azad olunmasının ildönümünü təbrik edib 2021-09-15 18:05:27 Koronavirusun yeni ştamları yaranmağa davam edəcək - Baş infeksionist 2021-09-15 14:35:30 Qarabağ Regional Memarlıq və Şəhərsalma Baş İdarəsinin təşkili ilə bağlı işlər aparılır 2021-09-15 10:35:31 Qafqaz-İslam Ordusu və Azərbaycanın xilası 2021-09-15 09:30:27 Hulusi Kılıç: Azərbaycan xalqı Qafqaz İslam Ordusunun tarixi xilaskarlıq missiyasını hər zaman qan yaddaşında yaşadıb 2021-09-15 09:05:57 15 sentyabr Azərbaycan-Türkiyə qardaşlığının tarixi sübutudur 2021-09-15 08:05:40 Prezident İlham Əliyev Cəlilabad və Şəmkirin yeni icra başçılarını videoformatda qəbul edib 2021-09-14 19:40:10 Şamil Ayrım: Azərbaycanla Türkiyə bir-birindən ayrılmaz iki hissədən ibarət bir Vətəndir 2021-09-14 11:30:25