2016-01-29 09:55:21 | MƏDƏNİYYƏT
Bədii filmlərimiz xarici auditoriyaya niyə çıxa bilmir?

Heç şübhəsiz ki, kino sənəti bütün dövrlərdə öz aktuallığını qoruyub saxlayır

 Hətta müasir  zamanda hər hansı texnoloji yeniliklər, müasir internet medianın sürətli inkişafı və digər amillər  peşəkar film yaradıcılığına, ümumilikdə kino sənətinə  kölgə sala bilməyib. Əksinə bu yeniliklər film  istehsalına, onun əhatə  dairəsinin genişlənməsinə müsbət təsir edir.

Təbii ki, bunu  bütün filmlərə aid etmək  olmaz. Bir sözlə yaxşı  ssenari, peşəkar çəkilən bədii  film  öz auditoriyasını  qorumaqla bərabər  uzun müddət insanlara həm zövq,  həm də  güclü informasiya verir. Bəs, bizim telekanallar, kino çəkilişi ilə məşğul olan şirkətlər bu resurslardan necə faydalana biliblər?

Çox təəssüf ki, kino sahəsində, xüsusilə, serial çəkilişində mövcud olan problemlər  dərinləşməkdədir.  Bu gün Azərbaycanın teleməkanında xeyli seriallar çəkilib nümayiş olunur.  Həmin  kino nümunələrindəki problemlər əvvəllər necə olubsa indi yenə qalmaqdadır. Təbii ki,  burada əsas səbəb maliyyə deyil.  Düzdür kino iqtisadiyyatı, bu sahənin  inkişafında maliyyə  vacib məsələdir.

Etiraf etmək lazımdır ki, ötən illərdə Azərbaycanda  filmlərin çəkilməsi üçün vəsaitlər az  olmayıb.  Hətta Azərbaycan prezidenti İlham  Əliyevin  sərəncamı ilə  film çəkilişinə vəsait ayrılmışdı. Bundan əlavə  serialların nümayişi zamanı  kifayət qədər reklamlar  olurdu. MTRŞ-dan APA-ya verilən xəbərə görə, 09 sentyabr 2011-ci il tarixli 1709 nömrəli sərəncama əsasən ayrılan 5 milyon manatdan ATV kanalının hesabına “Sirr”, “Pərvanələrin rəqsi”, “Onu bağışlamaq olarmı” serialının çəkilişi üçün ümumilikdə 1 milyon manat ayrılmışdı.

Həmçinin  ANS kanalına “Xoca” və “Ağabəyovlar” serialının çəkilişi üçün ümumilikdə 800 min manat, “Lider” kanalına “Dostlar”, “Satko”, “Muradına çatan günəş” seriallarının çəkilişi üçün ümumilikdə 800 min manat, “Space” kanalına “Cənnətə səyahət”, “Bir kəndin Sevinci” seriallarının çəkilişi üçün 800 min manat, “Xəzər” kanalına “Aramızda qalsın”, “Qaynana”, “Ayrılıq son deyil”, “Həyat varsa”, “Sonun başlanğıcı” seriallarının çəkilişi üçün ümumilikdə 800 min manat verilib.

Bundan əlavə  İctimai televiziyaya “Qarabağ”, “Dalan” , “Döngələr”, “Qaranlıqlar çiçəyi”, “Xoş təsadüf” seriallarının çəkilişi üçün isə ümumilikdə 800 min manat vəsait köçürülüb.  Bu siyahını xeyli artırmaq olar.  Bəs,  bu vəsaitlər hesabına çəkilən  filmlərin hansı dünya miqyasına çıxıb geniş auditoriya qazandı?  

Bu barədə “Xoca” filmi  istisna olmaqla başqa heç bir film haqqında sevindirici məlumat   eşitməmişik. Mən heç kəsin zəhmətini  aşağılamaq  və kiminsə çəkdiyi  filmlərə  qərəzli yanaşmaq istəmirəm.  Ancaq fakt faktlığında qalır. 

 Vahid  Mustafayevin çəkdiyi “Xoca” filmi  bütün tilsimləri qıraraq geniş  tamaşaçı  auditoriyası qazandı. Bu film yalnız Xocalı faciəsindən  bəhs etdiyinə görə, milli dərdlərimizi ortaya gətirdiyinə görə, məşhurluq qazanmayıb. Mübaligəsiz demək olar ki, “ Xoca”  filmi həm də peşəkar ssenarisinə,  aktyor seçiminə,  kəskin süjet xəttinə, hadisələrin və çəkilişlərin inandırıcılığına görə geniş auditoriya qazandı.

 Təəssüf  ki,  digər filmlər haqqında  belə ürəkdən danışmaq mümkün olmur. Onu da qeyd etmək lazımdır ki, əgər çəkilən film  xarici auditoriyaya  çıxıb nümayiş olunmursa, gəlir gətirmirsə, deməli, kino iqtisadiyyatı yarana bilmir. Bu da o deməkdir ki, davamlı kino çəkilişi mümkün olmur.

Mənə belə gəlir ki, Azərbaycan məkanında çəkilən  seriallarda aktyor seçimində, həmin  aktyorların öz rolunu oynamasında elə ciddi problem yoxdu. Hətta bəzi aktyorlar rolun öhdəsindən gəlmək üçün dəridən-qabıqdan çıxırlar. Bir çox hallarda buna nail olurlar. Burada ən ciddi problem ssenarilərin çox bəsit,  zəif, cəsarətsiz  yazılmasında,  rejissor işində,  süjet xəttinin inandırıcı olmamasında özünü göstərir.

Acı bağırsaq kimi, öz düşüncələrinə uyğun olaraq serialı çəkib uzadırlar. Yekunda da deyirlər film çəkmişik,  baxın. Əslində hər hansı kino sənəti ssenar müəllifinin intellektini,  dünya görüşünü,  nə dərəcədə mütaliyəyə  meylli olduğunu göstərir.
Əkrəm Bəydəmirli 

 

 

 

Baxış sayı : 4459
Digər yazılar
Enerji diplomatiyası dünya nizamının tənzimlənməsinə töhfə verə bilər 2023-02-03 11:45:27 Azərbaycan Prezidenti: "Biz artıq Cənub Qaz Dəhlizinin genişləndirilməsi haqqında danışırıq" 2023-02-03 10:05:33 Aksiyanın 54-cü günündə ekofəallar Xankəndi-Laçın yolunda etirazlarını davam etdirirlər 2023-02-03 09:55:17 Gənclər günü ilə əlaqədar tədbir keçirilib 2023-02-03 10:15:06 Ukraynanın Donetsk vilayətinin hansı ərazilərinin işğaldan azad edildiyi açıqlanıb 2023-02-03 09:55:45 Azərbaycan Prezidenti: TAP layihəsini uğurla icra etdik və Avropa İttifaqı üçün etibarlı enerji tərəfdaşına çevrildik 2023-02-03 09:30:03 İran ASALA terrorunun ev sahibidir 2023-02-03 08:25:08 Prezident İlham Əliyev 2 fevral – Gənclər Günü münasibətilə Azərbaycan gənclərini təbrik edib 2023-02-02 16:15:43 Prezident İlham Əliyevin gənclərin hərtərəfli inkişafına hesablanmış dövlət siyasəti 2023-02-02 10:35:28 XİN könüllülər arasında Xocalı soyqırımının 31-ci ildönümünə həsr olunan esse müsabiqəsi elan edib 2023-02-02 11:00:21 Türkiyə islamafobiya ilə mübarizədə İsveçdən səmimi addımlar gözləyir - Ərdoğan 2023-02-02 09:55:50 Erməni əsilli şəxslər BQXK-nın avtomobilləri ilə Ermənistana yola salınıb 2023-02-02 09:40:23 Ağır döyüşlər gedən Baxmut 2023-02-02 09:25:36 “Azərbaycanın görkəmli şəxsiyyətləri” seriyasından “Əhməd Cavad” adlı biblioqrafiya nəşr edilib 2023-02-02 07:20:34 Professor Sürəddin Zeynalov: “Qərbi Azərbaycanla bağlı həqiqətləri dünyaya çatırmaq bizim hədəfimizdədir” 2023-02-01 15:30:10 "Qərbi Azərbaycana qayıdışımız üçün Ermənistanın məcburi icra edəcəyi mexanizmlər yaradılmalıdır" - İcmanın sədr müavini 2023-02-01 10:25:37 “Cəfər Cabbarlı: azad bir ruh” adlı film çəkilib 2023-02-01 09:55:23 DTX: "İrandakı terror hadisəsi ilə bağlı rəsmi mənbələrə istinad olunmayan məlumatlar yayımlanır" 2023-02-01 09:25:06 Türkiyənin vasitəçiliyi ilə Rusiya ilə Ukrayna arasında əsir və yaralıların mübadiləsi gündəmdədir 2023-02-01 09:40:07 XİN Azərbaycanın Beynəlxalq Ədalət Məhkəməsindəki müraciəti üzrə dinləmələrə dair məlumat yayıb 2023-02-01 07:30:38 Macarıstan mətbuatı: Azərbaycan Avropa üçün enerji resurslarının əsas təchizatçısıdır 2023-01-31 10:55:55 Azərbaycan gənclərinin vətənə sədaqət ruhunda tərbiyə edilməsi məsələsi Ulu Öndər Heydər Əliyevin azərbaycançılıq ideologiyasının mühüm istiqamətlərindən biridir 2023-01-31 09:10:45 Güney Azərbaycanın və Təbrizin tarixi abidələri 2023-01-31 09:50:43 Laçın-Xankəndi yolundakı aksiya 51 gündür davam edir 2023-01-31 09:30:05