2021-03-17 11:25:18 | CƏMİYYƏT
İnformasiya müharibəsinə təsir göstərən amillər

Ermənistanın təxribatçı əməllərinə və işğalçılıq siyasətinə cavab olaraq ötən ilin sentyabrin 27-də başlayan II Qarabağ müharibəsi Azərbaycan Ordusunun düşmənə layiqli cavabı hər bir azərbaycanlıda ruh yüksəkliyi yaratdı.

44 günlük müharibə dünyaya ciddi mesajlar verdi, Azərbaycan Ordusunun tarixi qələbəsi müasir hərb tarixində yeni bir mərhələ açdı. Bu da uzun illər dünyada mövcud olan ədalətsizlik sindromuna son qoydu. Beynəlxalq hüquqda geniş təsbit edilən, təəssüf ki, uzun müddət kağız üzərində qalan ədalət, ümumbəşəri hüquqi prinsiplər yalnız Azərbaycan Ordusunun şanlı qələbəsi nəticəsində öz yerini tapdı.

Bu gün geosiyasi proseslərin davamı olaraq Azərbaycanın milli maraqlarının təmin edilməsi baxımından informasiya müharibəsində aktivliyin artırılması, böyük təhdidlərin qarşısının alınması zəruridir. Postmüharibə dövründə ortalığa çıxa biləcək təzyiqlərin dəf edilməsi kontektistində məntiqli informasiya müharibəsi əhəmiyyətli vasitədir. Hazırda isə savaş informasiya cəbhəsində sürətlə genişlənməkdədir. İstər müharibə dövründə, istərsə də sonrakı dönəmdə erməni mediasına nəzər saldıqda məkrli siyasətin, qıcıq yaradan, düşmənçiliyi dərinləşdirən saxta informasiyaların şahidi oluruq. Ermənistan mətbuatından fərqli olaraq bu, informasiya savaşında Azərbaycan mediası yalnız ədalətli mövqe nümayiş etdirir, həqiqəti yazır.

İnformasiya müharibəsinə təsir göstərən bəzi məqamlara nəzər salmaq istərdim. Azərbaycan Prezidenti İlham Əliyevin işğaldan azad olunmuş ərazilərə bütün səfərləri informasiya müharibəsinin gedişində həlledici faktordur. Erməni zülmdən qurtulan torpaqlarımızdakı real vəziyyəti dünya ictimayyəti məhz birinci şəxsdən öyrənir, informasiyanı alır. Bu çox önəmlidir. Dünyada belədir ki, birinci şəxsin verdiyi informasiyaya daha çox inanılır və qəbul edilir.

Bu baxımdan Azərbaycan Prezidentinin düşməndən azad olunmuş Qarabağa səfərləri informasiya savaşında əhəmiyyətli hadisədir. Bundan əlavə ötən il müharibənin gedişi dövtündə Prezidentin 30-a yaxın xarici telekanallara müsahibəsi və həmin söhbətlər zamanı özünü müstəntiq kimi aparan bəzi əcnəbi jurnalistlərə ustad dərsi keçməsi informasiya müharibəsində həlledici amil oldu. Azərbaycan Prezidenti İlham Əliyevin müsahibələrində, işğaldan azad olunmuş ərazilərə səfərləri zamanı səsləndirdiyi fikirlər dünyanın çox tanınmış media quruluşlarının, televiziyalarının əsas xəbərinə çevrildi. Bu faktorlar dünyada oturuşmuş saxta erməni mifinin, həqiqətdən uzaq təbliğatlarının dağılmasını sürətləndirdi.

Nəhayət Bakıda fəaliyyət göstərən xarici ölkələrin diplomatik nümayəndələrinin, səfirlərin, ötən həftə isə Azərbaycanın QHT, media rəhbərlərinin işğaldan azad olunmuş Ağdama səfərləri informasiya müharibəsinin tərkib hisssəsidir. Mənə elə gəlir ki, bu səfərlər “getdim, gördüm, kövrəldim, ağladım” fikri ilə bitməməlidir. Yəni yaradıcı insan bununla missiyasını bitirmiş hesab etməməlidir. Yaradıcı insanlar burada intellektual yanaşma sərgiləməlidir. Çünki Ağdamın və digər ərazilərin görüntüləri peşəkar rejissor, ssenarist, jurnalist və digər sənət sahibi üçün fərqli bir mənzərə, yeni yanaşma məkanı olmalıdır.

Bundan əlavə informasiya savaşında bəzi təbliğat üsullarını korrektə etməliyik. Azərbaycanla bağlı həqiqətləri geniş auditoriyaya çatdırmaq üçün çox mükəmməl innovativ vasitələrin tətbiqi üzərində düşünməliyik. Vətən müharibəsi bir çox həqiqətləri bir daha təsdiqlədi.

Ali Baş Komandanın başçılığı, Ordumuzun rəşadəti nəticəsində qazanılan bu tarixi qələbə 44 günlük müharibənin həqiqət anıdır. Bu həqiqət anında biz nə qədər qəhrəmanlarımızı tanıdıq. Bəzi dostlarımızın, yaxınlarımızın övladları bu döyüşlərdə böyük igidliklər göstərdi, Şəhidlik zirvəsinə yüksəldi. Allah bütün şəhidlərimizə rəhmət eləsin. Mən onların keçdiyi bu döyüş yoluna nəzər salanda, valideynləri ilə söhbət edən zaman heyrətləndim, qürurlandım. Belə möhtəşəm döyüş səhnələrini yalnız kinofilmlərdə görmək mümkün idi. Silahlı Qüvvələrimiz bunu döyüş meydanında nümayiş etdirdi.

Düşünürəm Azərbaycan mediası, incəsənət adamları zəfər tarixindən yararlanıb oxuculara möhtəşəm əsərlər, yeni ədəbiyyat nümənələri təqdim edəcəklər. Bu həm informasiya savaşında, həm də müharibə ədəbiyyatının, filmlərinin yaranmasında yeni mərhələ olacaq.

Əkrəm Bəydəmirli

Baxış sayı : 617
Digər yazılar
Zəngilanın Sarılı Xəştab kəndi - VİDEO 2021-06-21 08:50:01 Azərbaycanlı şərqşünasın Zəngəzur dəhlizi haqqında məqaləsi ərəb KİV-lərində dərc olunub 2021-06-21 08:20:08 Ermənistanda seçki pozuntuları barədə prokurorluqdan açıqlama 2021-06-21 07:55:47 İsraildə Ermənistanın müharibə cinayətləri əleyhinə aksiya keçirilib 2021-06-21 07:55:07 Ermənistan düşmənçilik münasibətlərindən əl çəkməli və qonşularla yaxşı münasibət qurmağa başlamalıdır - Türkiyə XİN 2021-06-21 06:50:29 Azad edilmiş ərazilərdə aeroportların tikintisi üçün idxal olunan bəzi mallar gömrük rüsumundan azad edilib 2021-06-20 10:40:35 Şuşa Bəyannaməsi Azərbaycan və türk diasporlarının birgə fəaliyyəti üçün ciddi hüquqi əsaslar yaradıb - Fuad Muradov 2021-06-20 08:50:44 Yeni Zəngəzur Dəhlizi regional inkişaf fürsətlərini ortaya çıxaracaq 2021-06-20 07:45:17 Milli Qəhrəmanımızın məzarı ziyarət olundu 2021-06-19 20:45:51 Azərbaycan Prezidentinin köməkçisi Antalya Diplomatiya Forumu çərçivəsində keçirilən paneldə çıxış edib 2021-06-19 11:25:19 Gürcü ekspert: Türkiyə Prezidentinin Şuşaya səfəri regionda yaranmış yeni reallıqların göstəricisidir 2021-06-19 08:10:32 Leyla Abdullayeva beynəlxalq insan hüquqları təşkilatlarına çağırış edib 2021-06-19 07:30:24 Ermənistanın təcavüzü nəticəsində dəymiş ziyanın aradan qaldırılması məsələləri müzakirə edilib 2021-06-18 21:25:41 Azərbaycan-Rusiya xalqlarının dostluq əlaqələri möhkəmlənir 2021-06-18 21:10:30 Nüvədi kəndinin sakinləri dünya birliyinə müraciət ediblər 2021-06-18 14:15:57 “Səhnədən səngərə” layihəsi şəhid Zamin Rəhimov haqqındadır 2021-06-18 09:40:52 Ukraynalı hərbi jurnalist: Mülki şəxslərin mina partlayışı nəticəsində həlak olmasının məsuliyyəti Ermənistan üzərinə düşür 2021-06-18 09:35:17 Siyasi ekspert: Şuşa Bəyannaməsi Robert Köçəryanın təxribatçı çıxışlarına öldürücü zərbədir 2021-06-18 08:55:15 Ermənistanın mina xəritələrini verməsi üçün beynəlxalq ictimaiyyətə çağırış edilib 2021-06-18 07:40:22 Ermənistan çətin durumda: Yeni reallıqlar beynəlxalq güclər tərəfindən qəbul edilir 2021-06-18 07:35:18 Ana dilimizin tədqiqinə töhfə 2021-06-17 18:15:50 Regionda təhlükəsizliyi təmin etmək üçün yeni güc platformasının yaranması zəruri idi- Əkrəm Bəydəmirli 2021-06-17 10:15:40 Heydər Əliyev Fondu “Qarabağın mədəni irsi” nəşrini təqdim edib 2021-06-17 10:00:49 “Cənubi Qafqazda uzunmüddətli sülh istiqamətində işləməkdə qətiyyətliyik” 2021-06-17 09:15:42