2020-10-12 12:40:47 | CƏMİYYƏT
Bu müharibə xeyirlə şərin mübarizəsidir

Əkrəm Bəydəmirli

XIX əsrdən başlayaraq Azərbaycan torpaqlarında belə etnosun məskunlaşması və bizim qismətimizə belə qonşuların düşməsi tarixin acı reallığıdır. Bu gün bu qonşuluq qismətini dəyişmək mümkün deyil. Ancaq reallığı nəzərə alaraq cinayətkarı cəzalandırmaq, haqqı, ədaləti bərpa etmək üçün tarixi məqamlar yetişib. Azərbaycanın hər tərəfli inkişaf tendensiyası, Ordumuzun yetərincə güclənməsi, Ermənistanın terrorçu və özünütəcrid siyasəti, dünyada, regionda baş verən geosiyasi dəyişiklər və digər faktorlar məhz belə şəraiti şərtləndirir.

Bu gün cinayətkarın cəzalandırma prosesi tam başa çatmasa, Dağlıq Qarbağ işğaldan azad olunmasa ermənilər yenə öz işğalçı planlarından, dənizdən dənizə “böyük Ermənistan” siyasətindən əl çəkməyəcəklər. Digər tərəfdən dünyanın qartımış, məkrli, imitasiya xarakterli sülhyaratma fəaliyyəti korrektə olunmuş halda davam edəcək. Belə çıxır ki, biz hələ uzun illər xarici diplomatların sülh nəğməsini dinləmək mcburiyyətində qalacağıq. Buna yol vermək olmaz.

Düşməndən azad olunmuş kəndlərimizin indiki vəziyyətini sakit şəkildə seyr etmək mümkün deyil. Görün, 30 ilə yaxın müddətdə işğal olunmuş yurd yerlərimizi ermənilər nə günə qoyub. Onlar tarixdən silmək istədikləri həmin yaşayış məskənlərinin hətta daşını da söküblər. Bu məxluqlarda torpağa bağlılıq, müqəddəs yerlərə ehtiram, qonşuluq mədəniyyəti heç zaman olmayıb. Bu etnos haqqında dünyanın bir çox tanınmış şəxslərinin fikirləri çox dərin mətləblərdən xəbər verir.

2015-ci ildə Moskva və bütün Rusiya partriarxı Kiril ermənilərlə bağlı maraqlı açıqlama vermişdi: “Kiril Moskva ərtafında yerləşən pravoslav məbədlərin mitropolitləri ilə görüşdə Rusiya imperiyasının tarixini xatırladıb. Rus parvoslav kilsəsinin rəhbəri toplantı iştirakçılarının diqqətini Ermənistanda baş verən son hadisələrə və bu ölkədə artan anti Rusiya əhval-ruhiyyəsinə çəkərək deyib: "Erməni dövlətinin yaranması anından başlayaraq biz pravoslav olmayan bu xalqı müdafiə edirik. Biz hər zaman Ermənistanı Rusiya dövlətinin bir hissəsi saymışıq və azsaylı katolik erməniləri göz bəbəyi kimi qorumuşuq. Bu cür mürəkkəb coğrafi şəraitdə bu dövlət Rusiyasız heç vaxt mövcud ola bilməzdi. İndi isə hər şeyin sürətlə dəyişməsinin və bizim etdiyimiz xeyirxahlığın bu cür həyasızcasına unudulmasının şahidiyik. Ermənilər bir şeyi unutmamalıdırlar ki, Rusiya olmadan onların bu torpaqlarda mövcudluğu qeyri mümkündür". Belə faktların sayını xeyli artırmaq olar.

Ermənilərdən fərqli olaraq Azərbaycan türklərində torpağa, yurd yerlərinə bağlılıq hər zaman güclü olub və olacaq. Bu gün dünyanın hər hansı yerində, o cümlədən Bakı şəhərində ən rahat şəraitdə yaşayan məcburi köçkün üçün öz tarixi yurd yerlərinə dönmək, orada uçulmuş-dağıdılmış kənddə yenidən yurd salmaq böyük məlhəmdir. Bu gün qısa bir sorğu keçirsək yaşlı və orta yaşlı nəslin nümayəndələrində bunu daha çox görərik.

Hər bir sağlam təfəkkürlü, təmiz qanı olan Azərbaycan türkündə torpağa bağlılıq var. Bu bağlılığı itirilmiş torpaqlarımızda, boş qalmış evlərdəki ruhların harayında axtarmaq lazımdır. 30 illik ayrılıq da bunu bir daha sübut etdi. Biz də Azərbaycan vətəndaşı olaraq hər birimiz bu müqəddəs missiyanın başa çatmasına, böyük qələbəyə öz töhfəmizi verməliyik. Bu müharibə xeyirlə şərin mübarizəsidir.

Hər zaman sonda xeyir qalib gəlir. Həmçinin bu mübarizədə xeyirin qələbəsi, ədalətin bərpası Cənubi Qafqaz regionuna sabitlik gətirəcək. Bu vacib məqamdan yararlanmaq, yurd yerlərimizdə qalan narahat ruhların harayına səs vermək, effektli fəaliyyətimizlə Azərbaycan dövlətinin, Ali Baş komandanın yanında olmaq hər birimizin tarixi missiyamızdır.

Baxış sayı : 1707
Digər yazılar
Laçının azadlığından iki il ötür Azərbaycan MN: Rusiya sülhməramlı kontingenti müraciətlərimizə hələ də etinasız yanaşır Əjdər Tağızadə: Urmiya gölünün qurudulmasına qarşı çıxış edənlər zindana atılıb Mürsəl Qurbanov təltif edilib ASALA terrorçuları ilə İranın xüsusi xidmət orqanları arasında əlaqələrə dair yeni faktlar üzə çıxıb “Qaraheybət”də hərbi helikopterin qəzaya uğramasından 1 il ötür Mövlud Çavuşoğlu Rusiya-Ukrayna müharibəsi ilə bağlı açıqlama verib İran Azərbaycana qarşı əsassız ittihamlar irəli sürməkdənsə, öz siyasi xəttini korrektə etməlidir Ceyhun Bayramov Aİ-ni Ermənistanın Laçın yolundan hərbi məqsədlər üçün sui-istifadə etdiyi barədə məlumatlandırıb Pentaqonda Azərbaycan-ABŞ hərbi əməkdaşlığı və regional təhlükəsizlik müzakirə olunub Rüstəm Minnixanov Azərbaycanda tatar ictimai təşkilatlarının nümayəndələri ilə görüşüb "Türk birliyi daha da güclənəcək!" mövzusunda Zoom platformasında görüş keçirilib Azərbaycan Ermənistan ərazisində 15-20 km-lik bufer zona yaratmalı olacaq Özbəkistanda "Türkistan və Qafqazların unikal tarixi xəritələri" adlı sərgi keçiriləcək İsveçdə "Mədəniyyət kodu-Şuşa" adlı lonqrid layihəsi təqdim olunub Ərdoğan: "2023-cü il seçkilərində qələbə qazanmağımıza heç kim mane ola bilməz" Azərbaycan MN: "Qarabağ iqtisadi rayonunun "Dağlıq-Qarabağ ərazisi" kimi qeyd edilməsi yolverilməzdir" Ankarada Türkiyə-Azərbaycan-Türkmənistan liderlərinin görüşü müzakirə olunacaq Stoltenberq: “Putin qışdan silah kimi istifadə etmək istəyir” Aktauda Azərbaycan, Qazaxıstan, Türkiyənin xarici işlər və nəqliyyat sahələri üzrə məsul nazirlərinin görüşü keçirilib The Economist: “Qaz və enerji qiymətləri qışda Avropada ölümlərin artmasına səbəb olacaq” Prezident: "Azərbaycan xalqının iradəsini nə işğalla, nə başqa təhdidlərlə sarsıtmaq olmaz" “Sarəng” sənədli filminin təqdimatı olacaq XİN rəhbəri Azərbaycan-Türkiyə-Qazaxıstan üçtərəfli görüşündə çıxış edib